ବାଲେଶ୍ବର: ବନ୍ଧୁକ ମୁନରେ ମହିଳାଙ୍କ ସୁନା ଚେନ ଓ କାନଫୁଲ ଲୁଟ ଅଭିଯୋଗ। ଏଭଳି ଘଟଣା ଘଟିଛି ସହଦେଵଖୁଣ୍ଟା ଥାନା ଜେଲ ରୋଡ଼ ନିକଟରେ।
ମହିଳାଙ୍କୁ ବନ୍ଧୁକ ଦେଖାଇ ଦୁର୍ବୃତ୍ତ ଲୁଟିନେଲେ ସୁନାଚେନ୍
ଆଜିମାବାଦ ଅଞ୍ଚଳର ଅନିତା ପାତ୍ର କୌଣସି କାମରେ ବଜାରକୁ ଯାଇଥିଲେ। ଘରକୁ ଫେରିବା ବେଳେ 3 ଜଣ ଦୁର୍ବୃତ୍ତ ଏକ ନମ୍ବର ବିହୀନ ସ୍କୁଟିରେ ଆସି ତାଙ୍କ ପଛପଟୁ ସୁନା ଚେନ ଟାଣିଥିଲେ । ପରେ ମହିଳାଙ୍କୁ ଧକ୍କା ମାରିବା ସହ ବନ୍ଧୁକ ଦେଖାଇ 10 ଗ୍ରାମର ସୁନାଚେନ ଓ 5 ଗ୍ରାମର କାନ ଫୁଲ ଲୁଟି ନେଇଥିବା ଅଭିଯୋଗ ହୋଇଛି।
ମହିଳାଙ୍କ ଅଭିଯୋଗକୁ ଆଧାର କରି ସହଦେଵଖୁଣ୍ଟା ପୋଲିସ ଘଟଣାସ୍ଥଳରେ ପହଞ୍ଚି ପାଖ ଦୋକାନରେ ଲାଗିଥିବା ସିସିଟିଭି ଫୁଟେଜ ଯାଞ୍ଚ ଆରମ୍ଭ କରିଛି।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
