ବାଲେଶ୍ବର: ସ୍ବାବଲମ୍ବୀ କରିଛି ପାମୋଲିନ । ୪ ଏକର ଜମିରେ ପାମୋଲିନ ଚାଷ କରି ବେଶ ଲାଭବାନ ହୋଇଛନ୍ତି ବାଲେଶ୍ଵରର ପ୍ରଶାନ୍ତ ନାୟକ । ୮୦ ଦଶକରେ ବାଣିଜ୍ୟ ବିଭାଗରେ ସ୍ନାତକ ଡିଗ୍ରୀ ହାସଲ କରି ଚାକିରୀ ପଛରେ ଗୋଡାଇ ନଥିଲେ । ବରଂ ନିଜେ କେମିତି ସ୍ବାବଲମ୍ବୀ ହେବେ ସେହି ଆଡକୁ ମନ ବଳାଇ ଆଜି ସେ ପାଇଛନ୍ତି ଅନନ୍ୟ ପରିଚୟ । ପାଠ ପଢା ସରିବା ପରେ ସେ ନିଜ ଗାଁ ଦଇପୁରରେ ସରକାର ଯୋଗାଇ ଦେଇଥିବା ପାମ ଗଛ ଆଣି ରୋପଣ କରିଥିଲେ । ଏବେ ପ୍ରାୟ ୨ ଶହରୁ ଅଧିକ ପାମ ଗଛ ଲାଗିଛି ପ୍ରଶାନ୍ତଙ୍କ ବାଡିରେ । ଆଉ ତାଙ୍କ ଠାରୁ ବିଭିନ୍ନ କମ୍ପାନୀମାନେ ନେଉଛନ୍ତି ପାମ ମଞ୍ଜି । ବର୍ଷକୁ ଗୋଟିଏ ଗଛରୁ ତିନିଥର ଫଳ ବାହାରୁଛି। ଆଉ କୁଇଣ୍ଟାଲ ପିଛା ୮ଶହରୁ ୯ ଶହ ଟଙ୍କାରେ କମ୍ପାନୀକୁ ବିକ୍ରି କରି ମାସିକ ଭଲ ରୋଜଗାର କରିପାରୁଛନ୍ତି ପ୍ରଶାନ୍ତ ।
ପାମୋଲିନ ଚାଷ କରି ପ୍ରଶଂସିତ ପ୍ରଶାନ୍ତ
