ବାଲେଶ୍ଵର: ସଦର ଉପନିର୍ବାଚନରେ ବିଜେପି ପ୍ରାର୍ଥୀ ମାନସ ଦତ୍ତ ବିଜେଡି ପ୍ରାର୍ଥୀ ସ୍ବରୂପ ଦାସଙ୍କ ଠାରୁ ପରାଜିତ ହେବା ପରେ ନିଜର ପ୍ରତିକ୍ରିୟା ରଖିଛନ୍ତି । ମାନସ ସମୁଦାୟ 69,954 ଖଣ୍ଡ ଭୋଟ ପାଇଥିବା ବେଳେ ଏହା ବାଳେଶ୍ବରବାସୀଙ୍କ ଆଶୀର୍ବାଦ ବୋଲି ସେ କହିଛନ୍ତି ।
ଅମନ୍ୟପକ୍ଷେ ବାଲେଶ୍ବରେ ବିଜୟ ନୂତନ ବିଧାୟକଙ୍କୁ ଶୁଭେଚ୍ଛା ଜଣାଇଛନ୍ତି ମାନସ । ସେ କହିଛନ୍ତି ଯେ ଆଗକୁ ବାଲେଶ୍ବାରବାସୀଙ୍କ ହକ୍ ପାଇଁ ଲଢେଇ ଜାରି ରଖିବେ । ତାଙ୍କୁ ଯେତିକି ଭୋଟ ମିଳିବା କଥା ମିଳିଛି । ହେଲେ କଂଗ୍ରେସର ଭୋଟ ସ୍ଥାନାନ୍ତର ହୋଇଥିବା ନେଇ ଅଭିଯୋଗ କରିଛନ୍ତି ମାନସ । ତେବେ ସମୀକ୍ଷା ପରେ ଏ ବିଷୟରେ ଜଣାପଡିବ ବୋଲି ସେ ପ୍ରତିକ୍ରିୟା ଦେଇଛନ୍ତି ।
ସଦର ଉପନିର୍ବାଚନରେ ବାଜିଗର ହୋଇଛନ୍ତି ବିଜେଡି ପ୍ରାର୍ଥୀ ସ୍ବରୂପ ଦାସ । 25 ରାଉଣ୍ଡ ଗଣତି ପରେ ସ୍ବରୂପ ସମୁଦାୟ 82,810 ଖଣ୍ଡ ଭୋଟ ପାଇଥିବା ବେଳେ ତାଙ୍କ ନିକଟତମ ପ୍ରତିଦ୍ବନ୍ଦୀ ବିଜେପି ପ୍ରାର୍ଥୀ ମାନସ ଦତ୍ତଙ୍କୁ 13, 395 ଖଣ୍ଡ ଭୋଟରେ ହରାଇ ସଦର ନିର୍ବାଚନ ମଣ୍ଡଳୀ ଦଖଲ କରିଛନ୍ତି ।
ବାଲେଶ୍ବରରୁ ଜୀବନଜ୍ୟୋତି ନାୟକ, ଇଟିଭି ଭାରତ
