ଗାନ୍ଧୀନଗର: ଗତ କିଛି ବର୍ଷ ଧରି ଭାରତ ସରକାର ତଥା ଗୁଜୁରାଟ ସରକାର ଆମେରିକା ଏବଂ ବିଶ୍ୱର ବୃହତ୍ତମ କାର୍ ଉତ୍ପାଦନକାରୀ କମ୍ପାନୀ ଟେସଲା ବିଷୟରେ ଅନେକ ଉଦ୍ୟମ ଜାରି ରଖିଛନ୍ତି, କିନ୍ତୁ ଏ ପର୍ଯ୍ୟନ୍ତ କୌଣସି ଠୋସ୍ ଫଳାଫଳ ହାସଲ କରାଯାଇ ପାରିନାହିଁ । ଗୋଟିଏ ପଟେ ଏଲନ ମସ୍କଙ୍କୁ ନିମନ୍ତ୍ରଣ କରିବା ନେଇ ଚର୍ଚ୍ଚା ଜୋର ଧରିଥିବା ବେଳେ ଗୁଜୁରାଟ ସରକାରଙ୍କ ମୁଖପାତ୍ର କହିଛନ୍ତି ଯେ ରାଜ୍ୟ ସରକାର ଏବଂ ଗୁଜୁରାଟ ଟେସଲାକୁ ନେଇ ଆଶାବାଦୀ ଅଛନ୍ତି ।
ଏହା ମଧ୍ୟ ପଢ଼ନ୍ତୁ... ନାନା ବାଧା ସତ୍ତ୍ବେ ଝୁଙ୍କିଲାନି ଆଦାନୀ ଗ୍ରୁପ, ଶୀର୍ଷରେ ରହି ଶେଷ କରିବ 2023
ଟେସଲା କମ୍ପାନୀ ସମ୍ପର୍କରେ ମନ୍ତ୍ରୀଙ୍କ ବିବୃତ୍ତି
ଗୁଜୁରାଟ ସରକାରଙ୍କ ମନ୍ତ୍ରୀ ହୃଷିକେଶ ପଟେଲ ଟେସଲା କମ୍ପାନୀ ସମ୍ପର୍କରେ ଏକ ବିବୃତ୍ତି ଜରିଆରେ କହିଛନ୍ତି ଯେ, ଗୁଜୁରାଟ ଏବଂ ଗୁଜୁରାଟ ସରକାର ଟେସଲା କମ୍ପାନୀ ପାଇଁ ଆଶାବାଦୀ ଅଛନ୍ତି । ଟେସଲା ମାଲିକ ମସ୍କ ବର୍ତ୍ତମାନ ଗୁଜୁରାଟ ଉପରେ ଧ୍ୟାନ ଦେଉଥିବା ବେଳେ କମ୍ପାନୀ ଭାରତରେ ଏକ ସର୍ଭେ ମଧ୍ୟ କରିଛି । ଖୁବଶୀଘ୍ର ଗୁଜୁରାଟରେ ଏକ ସରକାରୀ ଘୋଷଣା ହେବ ଯେ, ଟେସଲା କମ୍ପାନୀ ଗୁଜୁରାଟକୁ ଆସିବ କି ନାହିଁ । ତେବେ କମ୍ପାନୀ ପ୍ରକୃତରେ ଗୁଜୁରାଟକୁ ଆସିବ କି ନାହିଁ ସେ ବିଷୟରେ କୌଣସି ବିବୃତ୍ତି ଦେଇ ନାହାନ୍ତି ରାଜ୍ୟ ସରକାର ।
ଏହା ମଧ୍ୟ ପଢ଼ନ୍ତୁ...ଆଦାନୀ ପରିବାର ସବୁଜ ଶକ୍ତି ବାହୁରେ 9350 କୋଟିର ବିନିଯୋଗ
ଏଲନ ମସ୍କଙ୍କ ପ୍ରଥମ ପସନ୍ଦ ଗୁଜୁରାଟ
ରାଜ୍ୟ ସରକାରଙ୍କ ମନ୍ତ୍ରୀ ହୃଷିକେଶ ପଟେଲ ଏକ ବିବୃତ୍ତି ଦେଇଛନ୍ତି ଯେ, ଟେସଲା କମ୍ପାନୀର ମାଲିକ ଏଲନ ମସ୍କଙ୍କର ପ୍ରଥମ ପସନ୍ଦ ହେଉଛି ଗୁଜୁରାଟ ଏବଂ ଯେତେବେଳେ ଗୁଜୁରାଟରେ ଟେସଲା କମ୍ପାନୀର ଉତ୍ପାଦନ ୟୁନିଟ୍ ପ୍ରତିଷ୍ଠା ହେବ , ସେତେବେଳେ ଟେସଲା ବିଷୟରେ ଏକ ଗୁରୁତ୍ୱପୂର୍ଣ୍ଣ ଘୋଷଣା ମଧ୍ୟ କରାଯିବାର ସମ୍ଭାବନା ରହିଛି । ଜାନୁଆରୀ ମାସରେ ଅନୁଷ୍ଠିତ ହେବାକୁ ଥିବା ଗୁଜୁରାଟ ଗ୍ଲୋବାଲ ଭିବ୍ରାଣ୍ଟ ସମ୍ମିଳନୀରେ ସରକାର ଏଲନ ମସ୍କଙ୍କୁ ମଧ୍ୟ ନିମନ୍ତ୍ରଣ କରିଛନ୍ତି । ଏହିପରି ଯଦି ଟେସଲା କମ୍ପାନୀ ଗୁଜୁରାଟକୁ ଆସେ ନାହିଁ, ତେବେ ଏହା ତାମିଲନାଡୁ, ମହାରାଷ୍ଟ୍ରରେ ପ୍ଲାଣ୍ଟ ସ୍ଥାପନ କରିବାର ସୂଚନା ରହିଛି । ତେଣୁ ଟେସଲା କମ୍ପାନୀ ପାଇଁ ଗୁଜୁରାଟ, ମହାରାଷ୍ଟ୍ର ଏବଂ ତାମିଲନାଡୁ ତିନୋଟି ରାଜ୍ୟ ବିକଳ୍ପ ରହିଛି । ଏହା ଫଳରେ ଦେଶର ଆର୍ଥିକ ବିକାଶ ହେବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
