ନୂଆଦିଲ୍ଲୀ: ଭାରତୀୟ ରିଜର୍ଭ ବ୍ୟାଙ୍କ ( ଆରବିଆଇ ) ପ୍ରତି ମାସରେ ବ୍ୟାଙ୍କ ଛୁଟି ତାଲିକା ପ୍ରକାଶ କରିଥାଏ । ନଭେମ୍ବର ମାସ ହେବାକୁ ଆଉ କିଛି ଦିନ ବାକି ଥିବା ବେଳେ ଏହି ମାସ ପାଇଁ ବ୍ୟାଙ୍କ ଛୁଟି ତାଲିକା ଜାରି କରିଛି । କେନ୍ଦ୍ରୀୟ ବ୍ୟାଙ୍କ ନିଜ ୱେବସାଇଟରେ ଏହି ସୂଚନା ଜାରି କରିଛି । ଯଦି ଆପଣମାନେ ନଭେମ୍ବର ମାସରେ ବ୍ୟାଙ୍କ ସମ୍ବନ୍ଧୀୟ କାର୍ଯ୍ୟ କରିବାକୁ ଚାହୁଁଛନ୍ତି ତେବେ ସେହି କାମ ଗୁଡ଼ିକୁ ଛୁଟି ପୂର୍ବରୁ କରିନିଅନ୍ତୁ । ନଚେତ ସମସ୍ୟାର ସମ୍ମୁଖୀନ ହୋଇ ପାରନ୍ତି । ତେବେ ଆରବିଆଇର ତାଲିକା ଅନୁସାରେ ନଭେମ୍ବର ମାସରେ ପାଖାପାଖି ଅଧା ଦିନ ବ୍ୟାଙ୍କ ବନ୍ଦ ରହିବ ।
ତେବେ ଆରବିଆଇ ନିଜ ଅଫିସିଆଲ ୱେବ୍ସାଇଟ୍ରେ ଜାରି କରିଥିବା ଛୁଟି ତାଲିକା ଅନୁସାରେ, ନଭେମ୍ବର ମାସରେ 15 ଦିନ ବ୍ୟାଙ୍କ ବନ୍ଦ ରହିବ । ଆରବିଆଇ ପ୍ରତି ରାଜ୍ୟ ଅନୁସାରେ ଛୁଟି ତାଲିକା ପ୍ରସ୍ତୁତ କରିଥାଏ । ନଭେମ୍ବର ମାସରେ ସାପ୍ତାହିକ ଛୁଟିଦିନ ବ୍ୟତୀତ 9 ଦିନ ବ୍ୟାଙ୍କରେ କୌଣସି କାମ ହେବ ନାହିଁ । ପ୍ରତି ରାଜ୍ୟରେ ଅଲଗା ଅଲଗା ପର୍ବ ପାଳନ କରାଯାଉଥିବାରୁ ନଭେମ୍ବରରେ ଛୁଟି ସଂଖ୍ୟା ବଢ଼ିଛି ।
ନଭେମ୍ବର ମାସରେ ପ୍ରଥମେ କରବା ଚୌଥ ପାଇଁ ବ୍ୟାଙ୍କ ଛୁଟି ରହୁଛି । ତେବେ ବ୍ୟାଙ୍କର ଛୁଟିକୁ ନେଇ ଅଧିକ ଚିନ୍ତା କରିବାକୁ ପଡିବ ନାହିଁ କାରଣ ବ୍ୟାଙ୍କର ସମସ୍ତ ସୁବିଧା ଅନଲାଇନ ମାଧ୍ୟମରେ ଉପଲବ୍ଧ ହେବ । ଏହାଦ୍ବାରା ଆପଣମାନେ ଘରେ ବସି ବ୍ୟାଙ୍କ ସହିତ ଜଡିତ କୌଣସି ବି କାମ ସହଜରେ କରିପାରିବେ । ଏହା ବ୍ୟତୀତ ନେଟ୍ ବ୍ୟାଙ୍କିଂ ମଧ୍ୟ ଏକ ଭଲ ବିକଳ୍ପ ।
ଏହା ମଧ୍ୟ ପଢ଼ନ୍ତୁ....କେନ୍ଦ୍ର ସରକାରୀ କର୍ମଚାରୀଙ୍କୁ ଦଶହରା ଭେଟି, ମହଙ୍ଗା ଭତ୍ତା 4% ବୃଦ୍ଧି
| ତାରିଖ | ଦିନ | କାରଣ | ରାଜ୍ୟ |
| 1 ନଭେମ୍ବର | ବୁଧବାର | କରୱା ଚୌଥ, କନ୍ନଡ଼ ରାଜ୍ୟୋତ୍ସବ ଓ କୂଟ | କର୍ଣ୍ଣାଟକ, ମଣିପୁର ଓ ହିମାଚଳ ପ୍ରଦେଶ |
| 10 ନଭେମ୍ବର | ଶୁକ୍ରବାର | ୱଙ୍ଗାଲା ଫେଷ୍ଟିଭାଲ | ମେଘାଳୟ |
| 13 ନଭେମ୍ବର | ସୋମବାର | ଗୋବର୍ଦ୍ଧନ ପୂଜା, ଦୀପାବଳୀ | ତ୍ରିପୁରା, ଉତ୍ତରାଖଣ୍ଡ, ସିକ୍କିମ, ମଣିପୁର, ରାଜସ୍ଥାନ ଓ ଉତ୍ତର ପ୍ରଦେଶ |
| 14 ନଭେମ୍ବର | ମଙ୍ଗଳବାର | ବିକ୍ରମ ସମ୍ଭତ ନବବର୍ଷ, ଲକ୍ଷ୍ନୀ ପୂଜା ଓ ଦୀପାବଳି | ମହାରାଷ୍ଟ୍ର, କର୍ଣ୍ଣାଟକ, ସିକ୍କିମ ଓ ଗୁଜୁରାଟ |
| 15 ନଭେମ୍ବର | ବୁଧବାର | ଚିତ୍ରଗୁପ୍ତ ଜୟନ୍ତୀ, ଭାଇ ଦୋଜ, ନିଙ୍ଗୋଲ ଚକୌୱା ଓ ଲକ୍ଷ୍ମୀ ପୂଜା (ଦୀପାବଳି) | ସିକ୍କିମ, ମଣିପୁର, ପଶ୍ଚିମବଙ୍ଗ, ଉତ୍ତର ପ୍ରଦେଶ ଓ ହିମାଚଳ ପ୍ରଦେଶ |
| 20 ନଭେମ୍ବର | ସୋମବାର | ଛଟ୍ ପୂଜା | ବିହାର ଓ ଝାଡ଼ଖଣ୍ଡ |
| 23 ନଭେମ୍ବର | ଗୁରୁବାର | ସେଙ୍ଗ କୁତ ସ୍ନେମ ଓ ଇଗାସ ବଗ୍ୱାଲ | ଉତ୍ତରାଖଣ୍ଡ ଓ ମେଘାଳୟ |
| 27 ନଭେମ୍ବର | ସୋମବାର | ଗୁରୁ ନାନକ ଜୟନ୍ତୀ, କାର୍ତ୍ତିକ ପୂର୍ଣ୍ଣିମା ଓ ରାହସ ପୂର୍ଣ୍ଣିମା | ଓଡ଼ିଶା, ମିଜୋରାମ, ମଧ୍ୟ ପ୍ରଦେଶ, ମହାରାଷ୍ଟ୍ର, ତ୍ରିପୁରା, ପଞ୍ଜାବ, ଉତ୍ତରାଖଣ୍ଡ, ତେଲେଙ୍ଗାନା, ରାଜସ୍ଥାନ, ଜମ୍ମୁ, ପଶ୍ଚିମବଙ୍ଗ, ନାଗାଲାଣ୍ଡ, ଉତ୍ତର ପ୍ରଦେଶ, ଦିଲ୍ଲୀ, ଛତିଶଗଡ଼, ଝାଡ଼ଖଣ୍ଡ, ଶ୍ରୀନଗର ଓ ହିମାଚଳ ପ୍ରଦେଶ |
| 30 ନଭେମ୍ବର | ଗୁରୁବାର | କନକଦାସ ଜୟନ୍ତୀ | କର୍ଣ୍ଣାଟକ |
| ତାରିଖ | ଦିନ | କାରଣ | ରାଜ୍ୟ |
| 5 ନଭେମ୍ବର | ରବିବାର | ସାପ୍ତାହିକ ଅବକାଶ | ସମସ୍ତ ରାଜ୍ୟ |
| 11 ନଭେମ୍ବର | ଶନିବାର | ମାସର ଦ୍ବିତୀୟ ଶନିବାର | ସମସ୍ତ ରାଜ୍ୟ |
| 12 ନଭେମ୍ବର | ରବିବାର | ସାପ୍ତାହିକ ଅବକାଶ | ସମସ୍ତ ରାଜ୍ୟ |
| 19 ନଭେମ୍ବର | ରବିବାର | ସାପ୍ତାହିକ ଅବକାଶ | ସମସ୍ତ ରାଜ୍ୟ |
| 25 ନଭେମ୍ବର | ଶନିବାର | ମାସର ଚତୁର୍ଥ ଶନିବାର | ସମସ୍ତ ରାଜ୍ୟ |
| 26 ନଭେମ୍ବର | ରବିବାର | ସାପ୍ତାହିକ ଅବକାଶ | ସମସ୍ତ ରାଜ୍ୟ |
ବ୍ୟୁରୋ ରିପୋର୍ଟ, ଇଟିଭି ଭାରତ
