ନୂଆଦିଲ୍ଲୀ: ବିଶ୍ବର ଶ୍ରେଷ୍ଠ ଧନୀ ତାଲିକାରେ ମାଇକ୍ରୋସଫ୍ଟର ସହ-ପ୍ରତିଷ୍ଠାତା ବିଲ୍ ଗେଟ୍ସଙ୍କୁ(Microsoft co-founder Bill Gates) ପଛରେ ପକାଇଲେ ଗୌତମ ଆଦାନୀ । ଏହାସହିତ ଭାରତୀୟ ଶିଳ୍ପପତି ତଥା ଆଦାନୀ ଗ୍ରୁପ ମୁଖ୍ୟ ଗୌତମ ଆଦାନୀ ବିଶ୍ବର ଚତୁର୍ଥ ଶ୍ରେଷ୍ଠ ଧନୀ ବ୍ୟକ୍ତି ହୋଇଛନ୍ତି । ଏହା ସଙ୍ଗେ ସଙ୍ଗେ ସେ ଏସିଆର ସବୁଠୁ ଧନୀ ଭାବେ ସ୍ଥାନ ପାଇଛନ୍ତି । Forbes Real Time Billionaires List ରିପୋର୍ଟରେ ଏହା ପ୍ରକାଶିତ ହୋଇଛି ।
Forbes ଅନୁଯାୟୀ, ଗୁରୁବାର ୬୦ ବର୍ଷୀୟ ବିଜନେସ ଟାଇକୁନ ଆଦାନୀଙ୍କ ସମ୍ପତ୍ତି ୧୧୫.୫ ବିଲିୟନ ଡଲାରରେ ପହଞ୍ଚିଛି । ସେହିପରି ବିଲ ଗେଟ୍ସଙ୍କ ସମ୍ପତ୍ତି ୧୦୪.୬ ବିଲିୟନ ଡଲାର ରହିଛି । ଲମ୍ବା ସମୟ ଧରି ଭାରତ ତଥା ଏସିଆର ସବୁଠୁ ଧନୀ ବ୍ୟକ୍ତି ରହିଥିବା ଶିଳ୍ପପତି ମୁକେଶ ଅମ୍ବାନୀ ଏବେ ବିଶ୍ବ ଧନୀ ତାଲିକାରେ ଦଶମ ସ୍ଥାନରେ ଅଛନ୍ତି । ଅମ୍ବାନୀଙ୍କ ମୋଟ ସମ୍ପତ୍ତି ୯୦ ବିଲିୟନ ଡଲାର ହୋଇଥିବା ଜଣାପଡିଛି ।
