ନୂଆଦିଲ୍ଲୀ: ଲଗାତାର ବଢିଚାଲିଛି ସୁନା ଓ ରୂପା ଦାମ । ସୋମବାର ଦିଲ୍ଲୀ ସରଫରା ବଜାରରେ ସୁନା ଦାମ 238 ଟଙ୍କା ବୃଦ୍ଧି ପାଇ 10 ଗ୍ରାମ ପିଛା 56,122 ଟଙ୍କାରେ ପହଞ୍ଚିଛି । ଏଚଡିଏପସି ସିକ୍ୟୁରିଟିଜ ଏ ନେଇ ସୂଚନା ଦେଇଛି ।
ପୂର୍ବ କାରବାରରେ ସୁନା ଦାମ 10 ଗ୍ରାମ ପିଛା 55,884 ଟଙ୍କା ରହିଥିଲା । ସେହିପରି ଆଜି ରୂପା କିଲୋ 960 ଟଙ୍କା ବଢି 76,520 ଟଙ୍କା ରହିଛି ।
ଏଚଡିଏଫସି ସିକ୍ୟୁରେଟିଜ ବରିଷ୍ଠ ବିଶ୍ଲେଷକ ତପନ ପଟେଲ କହିଛନ୍ତି କି, ଡଲାର ତୁଳନାରେ ଟଙ୍କାର ବିନିମୟ ମୁଲ୍ୟରେ ସୁଧାର ଯୋଗୁଁ ସୁନା ଦାମ ବୃଦ୍ଧି ସାମାନ୍ୟ ଧୀମା ପଡିଛି । ଆମେରିକା-ଚୀନ ବିବାଦ ଓ କୋଭିଡ-19 ମାମଲା ବୃଦ୍ଧି ମଧ୍ୟରେ ନିବେଶର ସୁରକ୍ଷିତ ମାଧ୍ୟମ ସୁନା ଓ ରୂପା ରହିଛି । ଫଳରେ ଚାହିଦା ବଢୁଥିବାରୁ ଦାମ ବଢିଚାଲିଛି । ଅନ୍ତରାଷ୍ଟ୍ରୀୟ ବଜାରରେ ସୁନା ଦାମ ସାମାନ୍ୟ ବୃଦ୍ଧ ସହ ଆଉନ୍ସ, ପ୍ରତି 2,035 ଡଲାର ରହିଥିଲା ବେଳେ ରୂପା ଦାମ 28.31 ଡଲାରର ଅପରିବର୍ତ୍ତିତ ରହିଛି ।
ଗତ ସପ୍ତାହରେ ପ୍ରତିତିନ ସୁନା ଦାମ ପ୍ରତିଦିନ ବୃଦ୍ଧି ହେଉଥିଲା । ଭବିଷ୍ୟତରେ ସୁନା ଦାମ ଘରୋଇ ବଜାରରେ ଆହୁରୀ ବଢିବ ବୋଲି ବିଶେଷଜ୍ଞ ମତ ଦେଇଥନ୍ତି ।
ସୋମବାର ଡଲାର ତୁଳନାରେ ଟଙ୍କାର ବିନିମୟ ମୂଲ୍ୟ 3 ପଇସା ମଜବୁତ ହୋଇ 74.90 ରେ ବନ୍ଦ ହୋଇଛି ।
