ନୂଆଦିଲ୍ଲୀ: ବଜାର ପୁଞ୍ଜିକରଣ କ୍ଷେତ୍ରରେ ରିଲାଏନ୍ସ ଇଣ୍ଡଷ୍ଟ୍ରିଜ ଲିମିଟେଡ ପରେ ରେକର୍ଡ କଲା ଆଇଟି ଫାର୍ମ ଟିସିଏସ । ସୋମବାର 9 ଲକ୍ଷ କୋଟି ଟଙ୍କାର ମାର୍କେଟ କ୍ୟାପ ସହ ଦ୍ବିତୀୟ ଭାରତୀୟ କମ୍ପାନୀ ଭାବେ ଉଭା ହୋଇଛି ଟିସିଏସ ।
ସଫ୍ଟୱେର ସେବାର ସେୟାର 2.91 ପ୍ରତିଶତ ବୃଦ୍ଧି ହୋଇ 2,442.80 ଟଙ୍କାରେ ପହଞ୍ଚିଛି । ବମ୍ବେ ଷ୍ଟକ ଏକ୍ସଚେଞ୍ଜରେ ଏହାର ରେକର୍ଡ ଉଚ୍ଚ ସ୍ତରରେ ରହିଛି । ଏନଏସଇରେ ଏହା 2.76 ପ୍ରତିଶତ ବୃଦ୍ଧି ହୋଇ 2,439.80 ଟଙ୍କା ସହ ସର୍ବୋଚ୍ଚ ଶିଖରରେ ପହଞ୍ଚିଛି ।
ଏହାର ସେୟାର ଦାମରେ ବୃଦ୍ଧି ଯୋଗୁଁ କମ୍ପାନୀର ମାର୍କେଟ ଭେଲ୍ୟୁସନ ବିଏସଇର କାରବାର ଆରମ୍ଭରେ 9,14,606.25 କୋଟି ଟଙ୍କାରେ ପହଞ୍ଚିଛି । ଘରୋଇ କମ୍ପାନୀ ରିଲାଏନ୍ସ ଇଣ୍ଡଷ୍ଟ୍ରିଜ ପରେ ଦ୍ବିତୀୟ କମ୍ପାନୀ ଟିସିଏସ, ଯାହାର ମାର୍କେଟ ଭେଲ୍ୟୁ ଏତେ ପରିମାଣରେ ପହଞ୍ଚିଛି ।
@PTI
