ନୂଆଦିଲ୍ଲୀ: ସପ୍ତାହର ପଞ୍ଚମ ଦିନରେ ବଜାର ସବୁଜ ସଙ୍କେତରେ ବନ୍ଦ ହେଲା । ଅଟୋମୋବାଇଲ ଓ ବ୍ୟାଙ୍କିଙ୍ଗ ସେକ୍ଟର ସେୟାରରେ ଅଭିବୃଦ୍ଧି ଯୋଗୁଁ ଲଗାତାର ଉପରମୁହାଁ ସେନସେକ୍ସ । ଏପଟେ ବିଶ୍ବସ୍ତରରେ ତେଲ ଦର ହ୍ରାସ ପ୍ରଭାବରେ ପୁଞ୍ଜି ବଜାରରେ ନିବେଶକ ମାଲାମାଲ ।
ଗୁରୁବାର ବମ୍ବେ ଷ୍ଟକ ଏକ୍ସଚେଞ୍ଜର (ବିଏସଇ) 30 ସେୟାର ଉପରେ ଆଧାରିତ ସୂଚକାଙ୍କ ସେନସେକ୍ସ 453.07 ପଏଣ୍ଟ ବୃଦ୍ଧି ପାଇ 39,052.06 ଓ ନ୍ୟାସନାଲ ଷ୍ଟକ ଏକ୍ସଚେଞ୍ଜର (ଏନଏସଇ) 50 ସେୟାର ଉପରେ ଆଧାରିତ ସୂଚକାଙ୍କ ନିଫ୍ଟି 122.35 ପଏଣ୍ଟର କମି 11,586.35 ରେ କାରବାର କରୁଛି ।
ସେନସେକ୍ସ ଚାର୍ଟରେ ୟସ୍ ବ୍ୟାଙ୍କ 15.19 ପ୍ରତିଶତ ବୃଦ୍ଧି ସହ ଶୀର୍ଷରେ ରହିଛି । ଏଥିସହ ଟାଟା ମୋଟର୍ସ (9.82%), ବଜାଜ ଅଟୋ (3.89) ଓ ଏସବିଆଇ (3.73%) ଅଭିବୃଦ୍ଧି ସହ ଆଜି ପ୍ରଫିଟ୍ କମାଇଛି ।
