ମୁମ୍ବାଇ: ବିଦେଶୀ ପୁଞ୍ଜି ପ୍ରବାହ ଜାରି ମଧ୍ୟରେ ସେୟାର ବଜାରରେ ଦେଖାଦେଇଛି ଅଭିବୃଦ୍ଧି । ଏଥିସହ ସୋମବାର ଡଲାର ତୁଳନାରେ ଟଙ୍କା ମଜବୁତ ହୋଇଛି । 17 ପଇସା ବୃଦ୍ଧି ପାଇ ଟଙ୍କାର ବିନିମୟ ମୁଲ୍ୟ 76.03 ରେ ବନ୍ଦ ହୋଇଛି ।
ବିଦେଶୀ ମୁଦ୍ରା କାରବାରୀଙ୍କ ଅନୁସାରେ, ଆଜି ଦୁନିଆର ଅନ୍ୟ ସବୁ ମୁଦ୍ରା ତୁଳନାରେ ଡଲାର ଦୁର୍ବଳ ହୋଇଛି । ଫଳରେ ଏହାର ସକରାତ୍ମକ ପ୍ରଭାବ ଟଙ୍କା ଉପରେ ପଡିଛି ।
ସୋମବାର ବିଦେଶୀ ମୁଦ୍ରା ବଜାରରେ କାରବାର ଆରମ୍ଭରେ ଟଙ୍କାର ବିନିମୟ ମୁଲ୍ୟ 76.16 ରେ ଖୋଲିଥିଲା । ପରେ କାରବାର ମଧ୍ୟରେ ଏଥିରେ ସୁଧାର ଆସି 75.98 ଟଙ୍କାରେ ପହଞ୍ଚିଥିଲା । ଶେଷରେ ଡଲାର ସାମାନ୍ୟ ବଢିଥିବାରୁ ଘରୋଇ ମୁଦ୍ରା 76.03 ରେ ବନ୍ଦ ହୋଇଛି । ଶୁକ୍ରବାର ଟଙ୍କା 76.20 ରେ କାରବାର ବନ୍ଦ କରିଥିଲା ।
