ଜଗତସିଂହପୁର: ଆଜି ଧନତେରାସ । ସୁନା କିଣିବା ପାଇଁ ସହରର ବିଭିନ୍ନ ଜୁଏଲରୀ ସୋରୁମରେ ଜମିଛି ଗ୍ରାହକଙ୍କ ଭିଡ । ସୁନା କିଣିବା ପାଇଁ ଆଜି ସହର ଏକ ପ୍ରକାର ଜାମ ହୋଇ ଯାଇଥିଲା। ଖଚାଖଚ ଭିଡ଼ ଯୋଗୁ କୋର୍ଟ ଛକ ଠାରୁ ସୁଭଦ୍ରା ହଲ ପର୍ଯ୍ୟନ୍ତ ପ୍ରବଳ ଗହଳି ଲାଗିରହିଥିଲା। ଲୋକେ ଯାଅ ଆସ କରିବାରେ ମଧ୍ୟ ସମସ୍ୟା ସୃଷ୍ଟି ହୋଇ ଥିଲା। ଖବର ପାଇ ପୋଲିସ ପହଞ୍ଚି ଭିଡ ନିଅନ୍ତ୍ରଣ କରିଥିବା ଦେଖିବାକୁ ମିଳିଛି।
ଆଜି ଧନତେରାସ, ଜଗତସିଂହପୁରରେ 50 କୋଟି ଟଙ୍କାର ସୁନା ବିକ୍ରି
ତେବେ ଜଗତସିଂହପୁର ଭଳି ଏକ ଛୋଟ ସହରରେ ଆଜି ସନ୍ଧ୍ୟା ୬ଟା ସୁଦ୍ଧା 50 କୋଟି ଟଙ୍କାର ସୁନା କାରବାର ହୋଇଥିବା ଜଗତସିଂହପୁର ଜୁଏଲରୀ ସଂଘ କହିଛି। ଗତକାଲି ସୁନା ବିକ୍ରିକୁ ନେଇ ଆଶା ଆଶଙ୍କାରେ ଥିବା ବ୍ୟବସାୟୀ ଆଜି କିନ୍ତୁ ପୁରା ଖୁସ।
ଧନ ତେରାସକୁ ଆଖିରେ ରଖି ବିଭିନ୍ନ ଜୁଏଲାରୀ ବହୁ ଆକର୍ଷଣୀୟ ଅଫର ରଖିଥିବା ବେଳେ ସୁଯୋଗର ସୁବିଧା ଉଠାଉଛନ୍ତି ଗ୍ରାହକ।
ଜଗତସିଂହପୁର ରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
