ନୂଆଦିଲ୍ଲୀ: 6 ମାସ ପରେ ହ୍ରାସ ପାଇଲା ଖୁଚୁରା ମୁଦ୍ରାସ୍ପୀତି ହାର । ଉପଭୋକ୍ତା ମୁଲ୍ୟ ସୂଚକାଙ୍କ ଆଧାରିତ ମୁଦ୍ରାସ୍ପୀତି ହାର ଫେବୃଆରୀରେ 6.58 ପ୍ରତିଶତକୁ ଖସିଛି । ଯାହାକି ଜାନୁଆରୀରେ 7.59 ପ୍ରତିଶତ ରହିଥିଲା । ଗୁରୁବାର ଏନେଇ ସରକାରୀ ରିପୋର୍ଟ ପ୍ରକାଶ ପାଇଛି ।
ଖାଦ୍ୟ ସାମଗ୍ରୀ ଦାମ କମିଥିବାକୁ ଖୁଚୁରା ମୁଦ୍ରାସ୍ପିତି ଧୀମା ପଡିଛି । ତେବେ ଭାରତୀୟ ରିଜର୍ଭ ବ୍ୟାଙ୍କର 4 ପ୍ରତିଶତ ଲକ୍ଷ୍ୟ ଠାରୁ ଏହା ଅଧିକ ରହିଛି । 2019 ଫେବୃଆରୀରେ ଏହା 2.57 ପ୍ରତିଶତ ରହିଥିଲା । ଜାତୀୟ ପରିସଂଖ୍ୟନ କାର୍ଯ୍ୟକାଳ ତଥ୍ୟ ଅନୁସାରେ 2020 ଫେବୃଆରୀରେ ଖାଦ୍ୟସାମଗ୍ରୀ ଦର ହ୍ରାସ ପାଇ 10.81 ପ୍ରତିଶତ ରହିଥିଲା । ଯାହା ଜାନୁଆରୀରେ 13.63 ପ୍ରତିଶତ ଥିଲା ।
ରିଜର୍ଭ ବ୍ୟାଙ୍କର ଦ୍ବିମାସିକ ମୁଦ୍ରାନୀତି ସମୀକ୍ଷାରେ ରୋପୋରେଟ ଦରକୁ ନିର୍ଦ୍ଧାରଣ ପାଇଁ ଖାଚୁରା ମୁଦ୍ରାସ୍ପୀତିର ଭୂମିକା ଗୁରୁତ୍ବପୂର୍ଣ୍ଣ ରହିଥାଏ । ଆଉ ଆରବିଆଇର ଷଷ୍ଠ ମୁଦ୍ରାନୀତି ବୈଠକରେ ସରକାର ଆରବିଆଇକୁ ଖୁଚୁରା ମୁଦ୍ରାସ୍ପୀତି ହାର 4 ପ୍ରତିଶତ ତଳେ ରହିବ ବୋଲି ଟାର୍ଗେଟ ଦେଇଥିଲେ ।
