ନୂଆଦିଲ୍ଲୀ: ରିଲାଏନ୍ସ ଇଣ୍ଡଷ୍ଟ୍ରିଜ ଲିମିଟେଡର ବଜାର ପୁଞ୍ଜିକରଣ ସୋମବାର 12 ଲକ୍ଷ କୋଟି ଟଙ୍କା ପାର କରିଛି । ଏହି ଅଭିବୃଦ୍ଧି ସହ ଆରଆଇଏଲ ସେୟାର ସର୍ବୋଚ୍ଚ ସ୍ତରକୁ ଛୁଇଁଛି ।
ବିଏସଇରେ କମ୍ପାନୀର ସେୟାର 2.97 ପ୍ରତିଶତ ବଢି 1,934.30 ଟଙ୍କାର ରେକର୍ଡ ସ୍ତରରେ ପହଞ୍ଚିଛି । ସେହିପରି ନ୍ୟାସନାଲ ଷ୍ଟକ ଏକ୍ସଚେଞ୍ଜରେ ଏହା 3.23 ପ୍ରତିଶତ ବଢି 1,938.70 ଟଙ୍କା ସହ ଉଚ୍ଚ ସ୍ତରରେ ରହିଛି ।
ସେୟାର ମୁଲ୍ୟ ଉଛୁଳିବା ପରେ କମ୍ପାନୀର ବଜାର ମୂଲ୍ୟାଙ୍କନ ବିଏସଇରେ 12,26,231.01 କୋଟି ଟଙ୍କା ହୋଇଛି ।
ସେନସେକ୍ସରେ ସାମିଲ କମ୍ପାନୀଗୁଡିକ ମଧ୍ୟରେ ରିଲାଏନ୍ସ ଇଣ୍ଡଷ୍ଟ୍ରିଜ ସବୁଠୁ ଅଧିକ ଲାଭରେ କାରବାର କରୁଛି । କମ୍ପାନୀ ରବିବାର ଟେକ୍ନୋଲୋଜି କମ୍ପାନୀ କ୍ବାଲକମ ସହ ଚୁକ୍ତି କରି 730 କୋଟି ଟଙ୍କା ହାସଲ ନେଇ ଘୋଷଣା କରିଛି ।
କମ୍ପାନୀ ଜିଓ ପ୍ଲାର୍ଟଫର୍ମରେ ଏବେ ସୁଦ୍ଧା 25.24 ପ୍ରତିଶତ ଅଂଶଧନ ବିକ୍ରି କରିଛି । ଏହା ପରଠୁ କମ୍ପାନୀଋଣ ମୁକ୍ତ ହେବା ସହ ସେୟାର ତୀବ୍ର ବେଗରେ ବଢୁଛି ।
ଗତ ମାସରେ ରିଲାଏନ୍ସ 11 ଲକ୍ଷ କୋଟି ଟଙ୍କାର ବଜାର ପୁଞ୍ଜିକରଣ ହାସଲ ସହ ଦେଶର ପ୍ରଥମ କମ୍ପାନୀ ଭାବେ ରେକର୍ଡ ସୃଷ୍ଟି କରିଥିଲା ।
