ନୂଆଦିଲ୍ଲୀ: ବଢିଲା ଅଶୋଧିତ ତୈଳ ଦାମ । ଓପେକ ଓ ଏହାର ସହଯୋଗୀ ଦେଶ ମଧ୍ୟରେ ତେଲ ଉତ୍ପାଦନ ହ୍ରାସ ନେଇ ସହମତି ହେବା ଆଶାରେ ମଙ୍ଗଳବାର ଅନ୍ତରାଷ୍ଟ୍ରୀୟ ବଜାରରେ ଅଶୋଧି ତୈଳ ଦାମ ବୃଦ୍ଧି ପାଇଛି ।
ଏହା ପୂର୍ବରୁ ତୈଳ ଉତ୍ପାଦନକାରୀ ରାଷ୍ଟ୍ରଗୁଡିକ ମଧ୍ୟରେ କୌଣସି ବୁଝମଣା ହେଉନଥିବା ମଧ୍ୟରେ ତେଲ ଦାମ ହ୍ରାସ ପାଉଥିଲା । ତେବେ ଏ ନେଇ ଗୁରୁବାର ବୈଠକ ବସିବ ।
ମଙ୍ଗଳବାର ସକାଳେ ଏସିଆରେ କାରବାର ସମୟରେ ଅନ୍ତରାଷ୍ଟ୍ରୀୟ ମାନକ ବ୍ରେଣ୍ଟ କ୍ରୁଡ(ଅଶୋଧିତ ତୈଳ) ବ୍ୟାରେଲ ପିଛା 281 ପ୍ରତିଶତ ବଢି 33.98 ଡଲାରରେ କାରବାର କରୁଥିଲା ।
ଗତ ସପ୍ତାହରେ ଅଶୋଧିତ ତୈଳ ଦାମ 18 ବର୍ଷର ସର୍ବନିମ୍ନ ସ୍ତରକୁ ଖସିଥିଲା । ସାଉଦିଆରବ ଓ ଋଷ ମଧ୍ୟରେ ଚାଲିଥିବା ପ୍ରାଇସ ୱାର ଯୋଗୁଁ ଏହି ହ୍ରାସ ହୋଇଥିଲା । ଏଥିସହ କୋରୋନା ଭାଇରସ ସଂକ୍ରମଣ ଭୟରେ ଜାରି ଥିବା ଲକଡାଉନ ଯୋଗୁଁ ଅଶୋଧିତ ତୈଳ ଶସ୍ତା ହୋଇଥିଲା ।
