ନୂଆଦିଲ୍ଲୀ: ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ)କୁ ସୁପ୍ରିମକୋର୍ଟଙ୍କ ଝଟକା । ଅସାମ୍ବିଧାନିକ ଦର୍ଶାଇ ରଦ୍ଦ କରିଦେଲେ 12 ଫେବୃଆରୀରେ ରିଜର୍ଭ ବ୍ୟାଙ୍କ ଜାରି କରିଥିବା ସର୍କୁଲାର। ସୁପ୍ରିମକୋର୍ଟଙ୍କ ଏହି ନିଷ୍ପତ୍ତି ପରେ ପାୱାର କମ୍ପାନୀ, ସୁଗାର ଓ ଇଫ୍ରାଷ୍ଟଚର କମ୍ପାନୀ ସାମାନ୍ୟ ଆଶ୍ବସ୍ତି ଅନୁଭବ କରିଛନ୍ତି।
ସୂଚନା ଥାଉ ଯେ, ଆରବିଆଇ ଜାରି କରିଥିବା ଏହି ସର୍କୁଲାରରେ ଋଣରେ ବୁଡି ରହିଥିବା କମ୍ପାନୀଙ୍କୁ ‘ଦେବାଳିଆ’ ଘୋଷିତ କରିବାକୁ ଦର୍ଶାଇଥିଲେ । ଏଥିରେ ବ୍ୟାଙ୍କ ଗୁଡିକୁ ନିର୍ଦ୍ଦେଶ ଦିଆଯାଇଥିଲା ଯେ, ଯଦି 2000 କୋଟିରୁ ଅଧିକ ଋଣର ମାମଲା ରହିଥିବ ଆଉ ତାହାକୁ 180 ଦିନ ମଧ୍ୟରେ ସମାଧାନ କରାନଯିବ ତେବେ ତାହାକୁ ଇନ୍ସାଲ୍ବେସୀ (IBC) ଅନ୍ତର୍ଗତ କରାଯିବ । ଏହି ସହ ଏପରି ମାମଲା ସମ୍ବନ୍ଧରେ ବ୍ୟାଙ୍କ ଏନସିଏଲଟିକୁ ଅବଗତ କରାଇବ।
ଆରବିଆଇର ଏହି ନୋଟିସ ବଡ ବଡ ଉଦୌଗିକ କମ୍ପାନୀଙ୍କ ଚିନ୍ତାରେ ପଡିଯାଇଥିଲେ । କାରଣ ଏହି ସବୁ କମ୍ପାନୀ ବ୍ୟାଙ୍କ ଗୁଡିକରୁ ଅଧିକ ଋଣ ନେଇ ଋଣ ଭାରରେ ବୁଡି ରହିଥିଲେ । ଯାହାକି ଏବେ ସୁପ୍ରିମକୋର୍ଟଙ୍କ ନିଷ୍ପତ୍ତି ପରେ ଆଶ୍ବସ୍ତି ଲାଭ କରିଛନ୍ତି ।
