ନୂଆଦିଲ୍ଲୀ: ପ୍ରଫିଟ ପରେ ପ୍ରଫିଟ କରି ଚାଲିଛି ମୁକେଶ ଅମ୍ବାନୀଙ୍କ ରିଲାଏନ୍ସ ରିଟେଲ୍ସ । 2019ର ପ୍ରଥମ 3 ମାସ (ଜାନୁଆରୀ-ମାର୍ଚ୍ଚ)ରେ କମ୍ପାନୀ 1923 କୋଟି ଟଙ୍କାର ଲାଭ କରିଛି । ପୂର୍ବ ଚତୁର୍ଥ ତ୍ରୟ ମାସ ତୁଳନାରେ କମ୍ପାନୀକୁ ଅଧିକ 77.07 ପ୍ରତିଶତ ଫାଇଦା ମିଳିଛି।
1 ବର୍ଷ ପୂର୍ବରୁ ଏହି ସମୟରେ କମ୍ପାନୀର ଲାଭ ପରିମାଣ 1,086 କୋଟି ଟଙ୍କା ରହିଥିଲା । ଏ ନେଇ ଗୁରୁବାର କମ୍ପାନୀ ପକ୍ଷରୁ ସୂଚନା ମିଳିଛି । ବିଭିନ୍ନ ବ୍ୟବସାୟ ଜରିଆରେ କମ୍ପାନୀର ଆୟ ମୋଟ ଆୟ 51.60 ପ୍ରତିଶତ ବଢି 36, 663 କୋଟି ରହିଛି । 2017-18 ଚତୁର୍ଥ ତ୍ରୟମାସରେ ଆମଦାନୀ 24,183 କୋଟି ଟଙ୍କା ଥିଲା । 2018-19ର ସମ୍ପୂର୍ଣ୍ଣ ବର୍ଷରେ କମ୍ପାନୀର କର , ସୁଧ ଓ ଅବମୁଲ୍ୟାୟନ ପୂର୍ବ ଅପେକ୍ଷା ଡବଲ ଲାଭ କରି 6,201 କୋଟି ହୋଇଯାଇଛି । ଯାହାକି 2017-18ରେ 2529 କୋଟି ଥିଲା । ସେପଟେ ଏଥି ମଧ୍ୟରେ ତାହାର ଆୟ 88.68 ପ୍ରତିଶତ ବଢି 1.30 ଲକ୍ଷ କୋଟି ଟଙ୍କାରେ ପହଞ୍ଚିଛି।
ରିଲାଏନ୍ସ ରିଟେଲ 1,00,000 କୋଟି ଟଙ୍କାର ରାଜସ୍ବ ଲକ୍ଷ୍ୟ ପାର କରିସାରିଛି । ରିଲାଏନ୍ସ ଜିଓ ଏବେ ସୁଦ୍ଧା 30 କୋଟି ଲୋକଙ୍କୁ ସେବା ଯୋଗାଉଥିବା ବେଳେ ପେଟ୍ରୋକେମିକାଲ କାରବାର ସବୁଠୁ ଅଧିକ ଲାଭ କମେଇଛି । ଏ ନେଇ ଆରଆଇଏଲ ଚେୟାରମ୍ୟାନ ଏବଂ ପ୍ରବନ୍ଧ ନିର୍ଦ୍ଦେଶକ ମୁକେଶ ଅମ୍ବାନୀ କହିଛନ୍ତି । ଅଧିକ ଆୟ ସହ ଲଗାତାର ମୁକେଶ ଏସିଆର ଧନୀ ବ୍ୟକ୍ତିର ମାନ୍ୟତା ପାଇଆସୁଛନ୍ତି ।
