ନୂଆଦିଲ୍ଲୀ: ଦେଶର ମ୍ୟାନୁଫେକ୍ଚରିଂ ସେକ୍ଟରକୁ ପ୍ରୋତ୍ସାହନ ଦେବା ପାଇଁ ସରକାର ଶୀଘ୍ର ଏକ ନୂଆ ପ୍ୟାକେଜ ଆଣିବାକୁ ଯାଉଛନ୍ତି । ଏ ନେଇ ଅର୍ଥମନ୍ତ୍ରାଳୟର ଜଣେ ବରିଷ୍ଠ ଅଧିକାରୀ ସୂଚନା ଦେଇଛି । ସେ କହିଛନ୍ତି କି , ଏହି ପ୍ୟାକେଜରେ ନିକଟର ଘୋଷଣା ହୋଇଥିବା 20 ଲକ୍ଷ କୋଟି ଟଙ୍କାର ଆର୍ଥିକ ପ୍ୟାକେଜର ଅତିରିକ୍ତ ହେବ ।
କୋରୋନା ଭାଇରସ ମହାମାରୀର ମୁକାବିଲା ପାଇଁ ଏବଂ ଅର୍ଥବ୍ୟବସ୍ଥାକୁ ବିଭିନ୍ନ କ୍ଷେତ୍ରରୁ ସହଯୋଗ ଲକ୍ଷ୍ୟରେ ସରକାର ନିକଟରେ ଆତ୍ମନିର୍ଭର ଭାରତ ଅଭିଯାନ ଅଧିନରେ 20 ଲକ୍ଷ କୋଟି ଟଙ୍କାର ଆର୍ଥିକ ପ୍ୟାକେଜ ଘୋଷଣା କରିଥିଲେ । ଅର୍ଥନୈତିକ ବ୍ୟାପର ସଚିବ ତରୁଣ ବଜାଜ କହିଛନ୍ତି କି, ଦେଶରେ ମ୍ୟାନୁଫେକ୍ଚରିଂ ସେକ୍ଟରକୁ ପ୍ରୋତ୍ସାହନ ଦେବା ସହ ସରକାର ବିଭିନ୍ନ ସେକ୍ଟରକୁ ବୁଷ୍ଟର ଦେବା ପାଇଁ ବିଚାର କରୁଛନ୍ତି ।
ସେ କହିଛନ୍ତି କି, ‘‘ କୋରୋନା ମହାମାରୀ ଯୋଗୁଁ ସୃଷ୍ଟି ହୋଇଥିବା ଆର୍ଥିକ ଚ୍ୟାଲେଞ୍ଜର ମୁକାବିଲା ପାଇଁ ସରକାର ବିଭିନ୍ନ ସେକ୍ଟରକୁ ଭିଟାମିନ ଦେବେ ।
ଉଦ୍ୟୋଗ ସଂଘ ଫିକ୍କି ଦ୍ବାରା ଆୟୋଜିତ ବାର୍ଷିକ କ୍ୟାପିଟାଲ ମାର୍କେଟ କନଫରେନ୍ସ ସିଏପିଏମ-2020 ର ବିଶେଷ ଅଧିବେଶନକୁ ସମ୍ବୋଧନ କରି ବଜାଜ କହିଛନ୍ତି କି, କୋରୋନୋ ସଙ୍କଟ ପରେ ଦେଶରେ ଭି-ଆକାରର ରିକୋଭରି ଅର୍ଥାତ ତୀବ୍ର ଅଭିବୃଦ୍ଧି ଦେଖିବାକୁ ମଇଲିପାରେ ।
ସେ କହିଛନ୍ତି, ‘‘କୋଭିଡ -19 ଦ୍ବାରା ସୃଷ୍ଟି ହୋଇଥିବା ଅର୍ଥନୈତିକ ମନ୍ଥରତାକୁ ଦୂର କରିବା ପାଇଁ କୃଷି ଉପରେ ନିର୍ଭରଶୀଳତା ପୂର୍ବ ଅପେକ୍ଷା ଅଧିକ ବୃଦ୍ଧି ପାଇଛି। କୃଷି କ୍ଷେତ୍ରର ବିକାଶ ପ୍ରଭାବ ମ୍ୟାନୁଫେକ୍ଚର ଏବଂ FMCG କ୍ଷେତ୍ର ଉପରେ ମଧ୍ୟ ପକାଇବ।’’
