ନୂଆଦିଲ୍ଲୀ: 2020-21 ଆର୍ଥିକ ବର୍ଷ ପାଇଁ ନିର୍ଦ୍ଧାରିତ ବଜେଟ ଅଟକଳରୁ ବାହାରିବା ଆରମ୍ଭ ହେଲା । କୋରୋନା ଭାଇରସ ଲଢେଇରେ ଅର୍ଥନୀତି ବଡ ଝଟକା ମିଳିଛି । ଏଥିଯୋଗୁଁ ଚଳିତ ଆର୍ଥିକ ବର୍ଷ ସରକାରଙ୍କୁ ପାଖାପାଖୀ 3 କୋଟି ଟଙ୍କା ଅତିରିକ୍ତ ବ୍ୟୟ ଚ୍ୟାଲେଞ୍ଜର ସାମ୍ନା କରିବାକୁ ପଡିପାରେ । ପୂର୍ବ ଅର୍ଥସଚିବ ସୁବାଷ ଚନ୍ଦ୍ର ଗର୍ଗ ଏ ନେଇ ନିଜ ବ୍ଲଗ ପୋଷ୍ଟରେ ମତ ଦେଇଛନ୍ତି ।
ଗର୍ଗ କହିଛନ୍ତି ଯେ, ଆର୍ଥିକ କ୍ଷେତ୍ରରେ ରାଜ୍ୟ ସରକାରଙ୍କ ଅଧିକ ଝଟକା ମିଳିଛି । ସେମାନେ ଏବେ ସମସ୍ୟାରୁ ମୁକୁଳିବା ପାଇଁ ପ୍ୟାକେଜ ଦାବି କରୁଛନ୍ତି । ଆଉ କେନ୍ଦ୍ର ଏବେ ଏସବୁ ଦାବିକୁ ପୂରା କରିବାକୁ ହେବ ।
ନୂଆ ଆର୍ଥିକ ବର୍ଷ ଆରମ୍ଭରୁ କେନ୍ଦ୍ର ସରକାରଙ୍କ 2020-21 ବର୍ଷର ବଜେଟ ହିସାବ ବିଗିଡିବା ଲାଗିଛି । କୋରୋନା ମାହାମାରୀ, ଜୀବନ, ଜୀବିକା, ଅର୍ଥବ୍ୟବସ୍ଥା ଓ ବଜେଟକୁ ଗଭୀର ଭାବେ ପ୍ରଭାବିତ କରି ରଖିଛି ।
2020-21 ଆର୍ଥିକ ବର୍ଷର ବଜେଟ ଅଟକଳ 30.42 ଲକ୍ଷ କୋଟି ଟଙ୍କା ଥିଲା । ଏପଟେ କାରବାର, ଉତ୍ପାଦନ, ରପ୍ତାନୀ ଠପ ଯୋଗୁଁ ଟିକସ ସଂଗ୍ରହ ହ୍ରାସ ସହ ରାଜକୋଷ ଆକାର କମିଚାଲିଛି ।
