ନୂଆଦିଲ୍ଲୀ: କୋରୋନା ଭାଇରସ ଝଡରେ ହୁଲସ୍ତୁଲ ବିଶ୍ବ ଅର୍ଥବ୍ୟବସ୍ଥା । ଏଭଳି ସ୍ଥିତିରେ ବିଭିନ୍ନ ପ୍ରମୁଖ ବିଭାଗର ଘାଟାକୁ ଅନୁମାନ କରି ଭାରତ ଅଭିବୃଦ୍ଧି ହାର ହ୍ରାସ କଲା ଏସିଆନ ଡେଭଲପ୍ମେଣ୍ଟ ବ୍ୟାଙ୍କ(ଏଡିବି) ।
ଚଳିତ ଆର୍ଥିକ ବର୍ଷର ବିକାଶ ଦର 4 ପ୍ରତିଶତ ରହିବ ବୋଲି ଏଡିବି ପୂର୍ବାନୁମାନ କରିଛି । ଗତ ବର୍ଷ ବଜାରରେ ଦେଖାଦେଇଥିବା ସୁସ୍ଥତା ପରେ ଭାରତର ଜିଡିପି ଧୀମେଇଯାଇଛି । ଆର୍ଥିକ ବର୍ଷ 2019ରେ ଏହା 6.1 ପ୍ରତିଶତରୁ ଖସି 5 ପ୍ରତିଶତ ରହିଥିଲା ।
ଏଡିବି ଅଧ୍ୟକ୍ଷ ମାସାସ୍ତୁଗୁ ଆସାକାୱା କହିଛନ୍ତି ଯେ, ‘‘ ଏପରି ବହୁତ ସମୟରେ ବଡ ଚ୍ୟାଲେଞ୍ଜର ସାମ୍ନ କରିବାକୁ ପଡେ । କୋଭିଡ-19 ଯୋଗୁଁ ସମଗ୍ର ବିଶ୍ବରେ ଲେକଙ୍କ ଜୀବନଯାତ୍ରା ଗଭୀର ଭାବେ ପ୍ରଭାବିତ ହୋଇଛି । ଏଥିସହ ଉଦ୍ୟୋଗ ଓ ଅନ୍ୟ ଆର୍ଥିକ ଗତିବିଧି ମଧ୍ୟ ବାଧିତ ହୋଇଛି । ‘‘
ବ୍ୟାଙ୍କ ନିଜ ଏସିଆନ ଡେଭଲପମେଣ୍ଟ ଆଉଟଲୁକ(ଏଡିଓ)2020ରେ କହିଛି ଯେ, ଭାରତରେ ମୋଟ ଘରୋଇ ଉତ୍ପାଦ(ଜିଡିପି) ବୃଦ୍ଧି ଆସନ୍ତା ଆର୍ଥିକ ବର୍ଷରେ 6.3 ପ୍ରତିଶତ ମଜବୁତ ହେବା ପୂର୍ବରୁ 2021ରେ ଏହା ହ୍ରାସ ପାଇପାରେ ।
ପିଟିଆଇ
