ନୂଆଦିଲ୍ଲୀ: ହରିୟାଣା ମାନେସର ଠାରେ ଥିବା କାରଖାନାରେ ଉତ୍ପାଦନ ଆରମ୍ଭ କଲା ଦେଶର ସର୍ବବୃହତ୍ତ କାର ନିର୍ମାତା କମ୍ପାନୀ ମାରୁତି ସୁଜୁକି ଇଣ୍ଡିଆ । ମଙ୍ଗଳବର ଏ ନେଇ କମ୍ପାନୀ ପକ୍ଷରୁ ସୂଚନା ଦିଆଯାଇଛି ।
କୋରୋନା ଭାଇରସ ରୋକିବାକୁ ଦେଶବ୍ୟାପି ଜାଲି ଲକଡାଉନ ପୂର୍ବରୁ(ମାର୍ଚ୍ଚ 22) କମ୍ପାନୀ କାରଖାନାରେ ଉତ୍ପାଦନ ବନ୍ଦ ରଖିଥିଲା । କମ୍ପାନୀର ଅଧ୍ୟକ୍ଷ ଆରସି ଭାର୍ଗବ କହିଛନ୍ତି ଯେ,‘‘ମାନେସର ପ୍ଲାଣ୍ଟରେ ଉତ୍ପାଦନ ଆରମ୍ଭ ହୋଇଯାଇଛି । ଆଜି (ମଙ୍ଗଳବାର) ପ୍ରଥମ କାର ତିଆରି ହୋଇଯିବ ।
ସେ କହିଛନ୍ତି ଯେ, ବର୍ତ୍ତମାନ ସମୟରେ 75 ପ୍ରତିଶତ କର୍ମଚାରୀଙ୍କ ସହ ଗୋଟିଏ ସିଫ୍ଟ ଆଧାରରେ କାମ କରାଯାଉଛି । ତେବେ କାମ କେବେ ସମ୍ପୁର୍ଣ୍ଣ ରୂପେ ସ୍ବାଭାବିତ ହେବ, ଏହି ପ୍ରଶ୍ନର ଉତ୍ତରେ ଭାର୍ଗବ କହିଛନ୍ତି ଯେ, ଏହା ସରକାରଙ୍କ ନିୟମ ଉପରେ ନିର୍ଭର କରିବ । ଯେପରିକି 2 ସିଫ୍ଟରେ କାମ ଆରମ୍ଭ ନେଇ କେତେବେଳେ ଅନୁମତି ଦିଆଯିବ, କର୍ମଚାରୀଙ୍କ ସଂଖ୍ୟା କେବେ ବଢାଯିବ ଏବଂ ଯୋଗାଣ ଶୃଙ୍ଖଳା କେବେ ସୁବ୍ୟବସ୍ଥିତ ହେବ ।
