ନୂଆଦିଲ୍ଲୀ: ଟେଲସା କିଣିବା ପ୍ରସଙ୍ଗର ବଡ ଖୁଲାସା କଲେ ଆପଲ ସିଇଓ ଟିମ କୁକ । କିଛି ବର୍ଷ ତଳେ ଟିମ କୁକ ବିଫଳ ରହିଥିବା ଇଲେକ୍ଟ୍ରିକ କାର ବିଜନେସ କ୍ରୟ ନେଇ ଟେସଲାର ସିଇଓ ଏଲନ ମସ୍କଙ୍କୁ କେବେ କହିନଥିଲେ ବୋଲି ସ୍ପଷ୍ଟିକରଣ ଦେଇଛନ୍ତି ଟିମ କୁକ ।
ଗତ ବର୍ଷ ଡିସେମ୍ବର 23 ରେ ମସ୍କ ଟ୍ବିଟ କରିଥିଲେ ଯେ, 2017ର ସଂଘର୍ଷ ଦିନରେ ସେ ନିଜର ଇଲେକ୍ଟ୍ରିକ କାର କମ୍ପାନୀର ମୋଟ ଭେଲ୍ୟୁର ଦଶମାଂଶ କୁକ ଙ୍କୁ ବିକ୍ରି ପାଇଁ ଅଫର ଦେଇଥିଲେ । ହେଲେ ଆପଲ ସିଇଓ ଏଭଳି କରିବାକୁ ମନା କରିଦେଇଥିଲେ ।
ସୋମବାର ଦ ନ୍ୟୁୟର୍କ ଟାଇମ୍ସକୁ ଦେଇଥିବା ଏକ ସାକ୍ଷାତକାରର କୁକ କହିଲେ କି ଏଭଳି କୌଣସି କଥାବାର୍ତ୍ତା କେବେ ହୋଇନାହିଁ । କୁକୁ କହିଛନ୍ତି କି, ‘‘ ଆପଣଙ୍କୁ ଜଣାଅଛି , ମୁଁ କେବେ ଏଲନଙ୍କ ସହ କଥା ହୋଇନାହିଁ । ତେବେ ତାଙ୍କ କମ୍ପାନୀ ଓ ତାଙ୍କର ମୁଁ ପ୍ରଂଶସା କରୁଛି , ଇଜ୍ଜତ କରୁଛି ।’’
ମସ୍କ କହିଛନ୍ତି କି, ଟେସଲା ମଡେଲ 3 ର ଅସଫଳତା ଦିନରେ ତାହାକୁ କମ୍ପାନୀ ବିକ୍ରି କରିବାକୁ ଚାହୁଁଥିଲା । ମସ୍ତ ଏକ ଟ୍ବିଟରେ କହିଛନ୍ତି କି, ‘ମଡେଲ 3 ପ୍ରୋଗ୍ରାମପର ଅସଫଳତା ଦିନରେ ମୁଁ ଆପଲ ଦ୍ବାରା ଟେସଲା ( ବର୍ତ୍ତମାନ ବଜାର ଅଂଶଧନର ଦଶମାଂଶ) କ୍ରୟ କରିବା ସମ୍ବାବନାକୁ ନେଇ ଟିମ କୁକ ସହ ସମ୍ପର୍କ କରିଥିଲି । ହେଲେ ସେ ଏହି ପ୍ରସଙ୍ଗରେ ମନା କରିଦେଇଥିଲେ ।
ମସ୍କ ଏହି ପୁରୁଣା ଟ୍ବିଟ ଏଭଳି ସମୟରେ ସାମ୍ନାକୁ ଆସିଛି, ଯେବେ ଚାରିଆଆଡେ ଏହାର ଚର୍ଚ୍ଚା ହେଉଛି କି ଆପଲ 2024ରେ ଏହାର ପ୍ରଥମ ଇଲେକ୍ଟ୍ରିକ କାରକୁ ବିକ୍ରି ପାଇଁ ପ୍ଲାନ କରୁଛି ।
