ନୂଆଦିଲ୍ଲୀ: ବଜେଟ ଆଗତ ସମୟରେ ସରକାର ଏକକ ବ୍ୟକ୍ତି କମ୍ପାନୀ(ଓପିସି)କୁ ପ୍ରୋତ୍ସାହିତ କରିବେ ବୋଲି କହିଛନ୍ତି । ଏହା ଷ୍ଟାର୍ଟଅପ ୟୁନିଟ୍ ତଥା ଅଭିନବ କାର୍ଯ୍ୟରେ ନିୟୋଜିତ ବ୍ୟକ୍ତିବିଶେଷଙ୍କୁ ଲାଭ ଦେବ ବୋଲି ସରକାର କହିଛନ୍ତି ।
କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ସଂସଦରେ ବଜେଟ ଆଗତ କରି କହିଛନ୍ତି, ଏପରି କମ୍ପାନୀ ଗଠନକୁ ପ୍ରୋତ୍ସାହିତ କରାଯିବ । ଦେୟଯୁକ୍ତ ପୁଞ୍ଜି ଏବଂ କାରବାର ଉପରେ କୌଣସି ପ୍ରତିବନ୍ଧକ ବିନା, ସେମାନଙ୍କୁ ଆଗକୁ ବଢିବାକୁ ଅନୁମତି ଦିଆଯିବ |
ଏହା ବ୍ୟତୀତ ଯେକୌଣସି ସମୟରେ ଯେକୌଣସି ବର୍ଗର କମ୍ପାନୀର ସ୍ଥିତି ବଦଳାଇବା, ଭାରତୀୟ ନାଗରିକଙ୍କ ପାଇଁ ଓପିସି ତିଆରି କରିବା, ରହିବାର ସମୟ ସୀମାକୁ 182 ଦିନରୁ 120 ଦିନକୁ ହ୍ରାସ କରିବା ତଥା ଏନଆରଆଇଙ୍କୁ ଦେଶରେ ଓପିସି ତିଆରି କରିବା ଭଳି ବ୍ୟବସ୍ଥା ମଧ୍ୟ ରହିବ। ଏହାସହ ଏହା ଷ୍ଟାର୍ଟଅପ୍ ପାଇଁ ଅଧିକ ପ୍ରତ୍ସାହିତ କରିବ ବୋଲି ଅର୍ଥମନ୍ତ୍ରୀ କହିଛନ୍ତି ।
