ନୂଆଦିଲ୍ଲୀ: ଦେଶର ସର୍ବବୃହତ୍ତ ଗ୍ୟାସ ବିତରଣ କମ୍ପାନୀ ଗେଲ (ଇଣ୍ଡିଆ ) ଏହାର 1,046.35 କୋଟି ଟଙ୍କା ମୂଲ୍ୟର ସେୟାରକୁ ସେୟାରଧାରକଙ୍କ ଠାରୁ ପୁର୍ନ ନିଜେ କିଣିବ । ଏ ନେଇ କମ୍ପାନୀ ଘୋଷଣା କରିଛି ।
କମ୍ପାନୀ କହିଛି କି , ବର୍ତ୍ତମାନ ସମୟରେ ପାଖରେ ରହିଥିବା ଅତିରିକ୍ତ ପୁଞ୍ଜିକୁ ସେୟାର କ୍ରୟ କାର୍ଯ୍ୟକ୍ରମ ମାଧ୍ୟମରେ ସେୟାରଧାରକଙ୍କୁ ଫେରସ୍ତ କରିବ। ଭାରତ ସରକାର 51.76 ପ୍ରତିଶତ ସେୟାର ସହ ଗେଲ (ଇଣ୍ଡିଆ) ଲିମିଟେଡର ସବୁଠୁ ବଡ ଭାଗୀଦାର ଅଟେ । କମ୍ପାନୀ ସେୟାର ବଜାରକୁ ଜଣାଇଛି କି ଏହାର ନିର୍ଦ୍ଦେଶକ ମଣ୍ଡଳ ସେୟାର କ୍ରୟ କାର୍ଯ୍ୟକ୍ରମ ପ୍ରସ୍ତାବକୁ ମଞ୍ଜୁରୀ ଦେଇଛନ୍ତି । ଏହା ଅନ୍ତର୍ଗତ 150 ଟଙ୍କା ମୂଲ୍ୟରେ ମୋଟ 6.97 କୋଟି ସେୟାର କିଣାଯିବ । ଏହି ସଂଖ୍ୟା କମ୍ପାନୀର ମୋଟ ପୈଠ ସେୟାରର 1.55 ପ୍ରତିଶତ ସମାନ ଅଟେ ।
କମ୍ପାନୀ 2020-21 ଆର୍ଥିକ ବର୍ଷ ପାଇଁ 25 ପ୍ରତିଶତ ଅନ୍ତରୀଣ ଲାଭାଂଶ ଦେବା ପାଇଁ ଘୋଷଣା କରିଛି । ଏହା ଦ୍ବାରା ପ୍ରତି ସେୟାର ପିଛା 2.25 ଟଙ୍କା ପଡିବ । ଅନୁମାନ ରହିଛି କି ଏହି କାର୍ଯ୍ୟକ୍ରମରେ ସରକାର ମଧ୍ୟ ଭାଗ ନେବେ ଆଉ ନିଜର ସେୟାର ବିକ୍ରି କରିବେ । ସରକାରଙ୍କୁ ଲାଭାଂଶର 583.6 କୋଟି ଟଙ୍କା ପ୍ରାପ୍ତ ହେବ । ଆଉ କମ୍ପାନୀର ସେୟାର-କ୍ରୟ କାର୍ଯ୍ୟକ୍ରମରେ ସେହି ଅନୁପାତରେ ସେୟାର କମ୍ପାନୀକୁ ପୁଣି ବିକ୍ରି ଦ୍ବାରା ଏହାକୁ 541.5 କୋଟି ଟଙ୍କା ପ୍ରାପ୍ତ ହୋଇପାରିବ । ସେୟାର କ୍ରୟ ପାଇଁ ରଖାଯାଇଥିବା ରାଶି କମ୍ପାନୀର ପୈଠ ସେୟାର ପୁଞ୍ଜି ଓ ମାଗଣା ସଂରକ୍ଷିତ କୋଷର 2.5 ପ୍ରତିଶତ ଓ 2.26 ପ୍ରତିଶତ ସମାନ ଅଟେ ।
ସରକାର ଚଳିତ ଆର୍ଥିକ ବର୍ଷର ବଜେଟରେ ସାର୍ବଜନୀକ ନିଗମରେ ନିଜର ସେୟାର ବିକ୍ରି କରି ମୋଟ 2.1 ଲକ୍ଷ କୋଟି ଟଙ୍କା ଏକତ୍ର ପାଇଁ ଲକ୍ଷ୍ୟ ରଖିଛନ୍ତି । ନିବେଶ ଏବଂ ସାର୍ବଜନୀକ ସମ୍ପତ୍ତି ପରିଚାଳନା ବିଭାଗ (ଦୀପମ) ଅନୁସାରେ ବିନିବେଶରୁ ଏବେ ସୁଦ୍ଧା 28,298.26 କୋଟି ଟଙ୍କା ଏକତ୍ର ହୋଇଛି ।
