ନୂଆଦିଲ୍ଲୀ: ଅର୍ଥମନ୍ତ୍ରୀ ନିର୍ମଳା ସୀତାରମଣ ଚଳିତ ଆର୍ଥିକ ବର୍ଷର ବଜେଟ ଉପସ୍ଥାପନ କରିଛନ୍ତି । ଆଶା କରାଯାଉଥିଲା ଟିକସ ସ୍ଲାବରେ ଏଥର କିଛିଟା ପରିବର୍ତ୍ତନ ହେବ । ହେଲେ ସେପରି କିଛି ଆଖି ଦୃଷ୍ଟିଆ ଘୋଷଣା ହେଲାନି । କ୍ଷୁଦ୍ର ଓ ମଧ୍ୟମ ବର୍ଗ ଟିକସଦାତାଙ୍କୁ ଆଶ୍ବସ୍ତି ମିଳିଥିବାବେଳେ ଉଚ୍ଚଆୟକାରୀଙ୍କୁ ଉପରେ ପଡିଛି ଅତିରିକ୍ତ ଶୁଳ୍କ ପ୍ରହାର ।
ଅନ୍ତରୀଣ ବଜେଟ ଅନୁଯାୟୀ 5 ଲକ୍ଷ ଆୟ ଟିକସ ଫ୍ରି ରହିଛି । ଏପଟେ ନିର୍ମଳାଙ୍କ ବଜେଟରେ 2ରୁ 5 କୋଟି ଆୟ ଉପରେ 3 ପ୍ରତିଶତ ଓ 5 କୋଟିରୁ ଊର୍ଦ୍ଧ୍ବ ଆୟ ଉପରେ 7 ପ୍ରତିଶତ ସରଚାର୍ଜ ଲାଗିବ । କିନ୍ତୁ ଯଦି ଆପଣଙ୍କର ବାର୍ଷିକ ଆୟ 14 ଲକ୍ଷ, ତେବେ ବି ଆପଣ ଟେନସନ ନିଅନ୍ତୁ ନାହିଁ । ଏପରି ଭାବେ ଖର୍ଚ୍ଚ କରିବେ ତାହା ହେଲେ ବଞ୍ଚିବ ଆପଣଙ୍କ ଟିକସ ଟଙ୍କା ।
| ଭେଇକଲ ଲୋନ ଉପରେ ସୁଧ | 1.5 ଲକ୍ଷ |
| ସେକ୍ସନ ୮୦ 'ସି' ନିବେଶ | 1.5 ଲକ୍ଷ |
| ସ୍ବାସ୍ଥ୍ୟ ବୀମା | 55000 |
| ଏନପିଏଏସରେ ନିବେଶ | 50000 |
| ଷ୍ଟାଣ୍ଡର୍ଡ ଡିଡକ୍ସନ | 50000 |
| ଶିକ୍ଷା ଋଣ | 1 ଲକ୍ଷ |
ମୋଟ ବାବଦକୁ - 9.05 ଲକ୍ଷ । ବାକି 5 ଲକ୍ଷ ଉପରେ ନୋ ଟ୍ୟାକ୍ସ
ବର୍ତ୍ତମାନର ଟିକସ ସ୍ଲାବ ଅନୁଯାୟୀ
| ଆୟ | ଟିକସ |
| 250000(ଅଢେଇଲକ୍ଷ) | 0 |
| 250000ରୁ 500000 | 5% |
| 500001 ରୁ1000000 | 20% |
| 1000000 ରୁ ଊର୍ଦ୍ଧ୍ବ | 30 % |
