ନୂଆଦିଲ୍ଲୀ: ଦିନକୁ ଦିନ ବଢୁଛି ଦରଦାମ ତାତି । ବିଶେଷ କରି ଖାଦ୍ୟ ସାମଗ୍ରୀ ଓ ଇନ୍ଧନ ଦର ଆକାଶ ଛୁଆଁ ହେଲାଣି । ମେ ମାସରେ ସମଗ୍ର ଦେଶରେ ଖୁଚୁରା ମୁଦ୍ରାସ୍ପୀତି 0.57 ପ୍ରତିଶତ ବୃଦ୍ଧି ପାଇଁ 3.05 ପ୍ରତିଶତରେ ପହଞ୍ଚିଛି । ଯାହାକି 7 ମାସରେ ସର୍ବୋଚ୍ଚ । ଏପଟେ ଓଡିଶାର ମୁଦ୍ରାସ୍ଫୀତି ମଧ୍ୟ ବୃଦ୍ଧି ପାଇ 2.0 ପ୍ରତିଶତ ଛୁଇଁଛି । ବୁଧବାର ଏ ନେଇ ରିପୋର୍ଟ ପ୍ରକାଶ ପାଇଛି ।
ଉପଭୋକ୍ତା ମୁଲ୍ୟ ସୂଚକାଙ୍କ(ସିପିଆଇ) ଉପରେ ଆଧାରିତ ଖାଉଟି ମୁଦ୍ରାସ୍ଫୀତି । ଗୋଟିଏ ମାସ ପୂର୍ବରୁ ଅର୍ଥାତ ଏପ୍ରିଲରେ ଏହା 2.99 ପ୍ରତିଶତ ରହିଥିଲା । ସେହିପରି 2018 ମେ ରେ ଖାଉଟି ମୁଦ୍ରାସ୍ଫୀତି 3.38 ପ୍ରତିଶତରେ ରହିଥିଲା ।
କେନ୍ଦ୍ର ପରିସଂଖ୍ୟାନ କାର୍ଯ୍ୟାଳୟ ପକ୍ଷରୁ ଜାରି ରିପୋର୍ଟ ମୁତାବକ, ମେ’ ରେ ଖାଦ୍ୟ ବସ୍ତୁ ସମୂହର ମୁଦ୍ରାସ୍ଫୀତି 0.57 ବଢିଥିବା ବେଳେ ଏପ୍ରିଲରେ ଏହା 0.66 ପ୍ରତିଶତ ହ୍ରାସ ପାଇଥିଲା ।
