ନୂଆଦିଲ୍ଲୀ: ଦେଶରେ ଦିନକୁ ଦିନ ବୃଦ୍ଧି ପାଇବାରେ ଲାଗିଛି ନେଣଦେଣ ପ୍ରକ୍ରିୟା । ଏହାକୁ ଦୃଷ୍ଟିରେ ରଖି ବଢୁଛି ଟ୍ରାଞ୍ଜାକ୍ସନ ଦେୟ । ଏଟିଏମରୁ ଟଙ୍କା ଉଠାଣ ଉପରେ ଚାର୍ଜ ଗଣୁଥିବାରୁ ଅସନ୍ତୋଷ ଗ୍ରାହକ । ତେବେ ଟ୍ରାଞ୍ଜାକ୍ସନକୁ ସରଳ ଓ ଚାର୍ଜ ଫ୍ରି କରିବାରୁ ଆରବିଆଇ ଗଠନ କରିଛି ସୀମକ୍ଷା କମିଟି । ଏହି କମିଟି ବିଭିନ୍ନ ଦିଗ ଉପରେ ଆଲୋକପାତ କରି ନିଷ୍ପତ୍ତି ନେବ ।
ଆରବିଆଇ ପକ୍ଷରୁ ଅଖିଳ ଭାରତୀୟ ସଂଘ (ଆଇବିଏ)ର ମୁଖ୍ୟ କାର୍ଯ୍ୟନିର୍ବାହୀ ଭି.ଜି କାନନଙ୍କ ନେତୃତ୍ବରେ ବସିବ । ଏହି 6 ଜଣିଆ କମିଟିରେ ଏଟିଏମ ବ୍ୟବହାର, ଗ୍ରାହକଙ୍କ ପ୍ରଭାବ , ଏଟିଏମ ଦେୟ ଓ ଆନ୍ତଃ ବ୍ୟାଙ୍କିଙ୍ଗ ବ୍ୟବସ୍ଥା ଉପରେ ଲାଗୁ କରାଯାଉଥିବା ଦେୟ ଉପରେ ଏହି କମିଟି ପୁଙ୍ଖାନୁପୁଙ୍ଖ ବିଚାର କରିବ ।
ପ୍ରଥମ ବୈଠକ ଆରମ୍ଭର 2 ମାସ ମଧ୍ୟରେ ଏହି କମିଟି ନିଜର ମତ ରଖିବ । ରିପୋର୍ଟ ମୁତାବକ, ସମଗ୍ର ଦେଶରେ 2 ଲକ୍ଷ ଏଟିଏମ ରହିଛି । ସେଥିମଧ୍ୟରୁ ଏପ୍ରିଲ ସୁଦ୍ଧା 88.47 କୋଟି ଡେବିଟ କାର୍ଡ ଓ 4.8 କୋଟି କ୍ରେଡିଟ କାର୍ଡ କହିଛି । ତଥ୍ୟ ଅନୁଯାୟୀ ଏପ୍ରିଲରେ 80.9 କୋଟି ଟ୍ରାଞ୍ଜାକ୍ସନ ଡେବିଟ କାର୍ଡ ଦ୍ବାରା ହୋଇଥାଏ ।
