ନୂଆଦିଲ୍ଲୀ: ଆଜି ଜାତୀୟ ହସ୍ତତନ୍ତ ଦିବସ । ହସ୍ତତନ୍ତ ବୁଣାକାରଙ୍କ କଳା କିର୍ତ୍ତୀ ପାଇଁ ଆଜିର ଦିନଟି । ଏହା ଅବସରରେ ସାର୍ବଜନୀକ କ୍ଷେତ୍ରର ପଞ୍ଜାବ ନ୍ୟାସନାଲ ବ୍ୟାଙ୍କ ବୁଣାକାରଙ୍କ ପାଇଁ ନଗଦ ଉଧାର ବା ଋଣ ସୁବିଧା ଆରମ୍ଭ କରିବାକୁ ଘୋଷଣା କରିଛି । ଏହି ଯୋଜନା ଦ୍ବାରା ବୁଣାକାରଙ୍କ ଋଣ ଆବଶ୍ୟକତା ପୂରଣ ହେବ ବୋଲି ପିଏନବି କହିଛି ।
ପିଏନବି ବୁଣାକାର ମୁଦ୍ରା ଯୋଜନା (PNBWMS) ଅଧୀନରେ ଏକ କ୍ରେଡିଟ କାର୍ଡ ପ୍ଲାନ ପ୍ରଣୟନ କରିଛି। ଏଥିରେ ବୟନ ମନ୍ତ୍ରାଳୟ ଯୋଜନା ଅଧିନରେ ବୁଣାକାରଙ୍କୁ 2 ଲକ୍ଷ ଟଙ୍କା ପର୍ଯ୍ୟନ୍ତ ଋଣ ଦିଆଯିବ ।
ବ୍ୟାଙ୍କ ନିଜ ବିବୃତ୍ତିରେ କହିଛି କି, ବୁଣାକାରଙ୍କୁ ନଗଦ ଉଧାର ବା ଋଣ ମାଧ୍ୟମରେ ସେମାନଙ୍କ ନଗଦ ଆବଶ୍ଯକତା ପାଇଁ ପର୍ଯ୍ଯାପ୍ତ ଓ ସମୟରେ ସାହାଯ୍ୟ ପାଇପାରିବେ । ଜାତୀୟ ହସ୍ତତନ୍ତ ଦିବସ ଉପଲକ୍ଷେ ଏହି ଯୋଜନା ଆରମ୍ଭ କରାଯାଇଛି ।
ବ୍ୟାଙ୍କ କହିଛି କି, ପ୍ରଧାନମନ୍ତ୍ରୀ ମୁଦ୍ରା ଯୋଜନା ଅଧିନରେ ମୁଦ୍ରା ଋଣ ଆରମ୍ଭ କରିବା ପରେ ମନ୍ତ୍ରାଳୟ ଶିଶୁ ଏବଂ କିଶୋର ବର୍ଗରେ ବୁଣାକାରଙ୍କ ପୁଞ୍ଜି ଆବଶ୍ୟକତା ପାଇଁ ଏକ ବିକଳ୍ପ ପ୍ରଦାନ କରିବାକୁ ଚାହୁଁଛି।
