ନୂଆଦିଲ୍ଲୀ: ବଢିଲା ୟସ୍ ବ୍ୟାଙ୍କ ଫାଉଣ୍ଡର ରାଣା କପୁରଙ୍କ ଅଡୁଆ । ଋଣ ଜାଲିଆତି ମାମଲାରେ ଗିରଫ ହୋଇଥିବା ରାଣା କପୁରଙ୍କ ଜାମିନ ଖାରଜ କଲା ବମ୍ବେ ହାଇକୋର୍ଟ । ଏଥିସହ କପୁରଙ୍କ ବଢିଛି ଜେଲରେ ରହିବା ଚିନ୍ତା ।
ଗତ ବର୍ଷ ମାର୍ଚ୍ଚ ମାସରେ କପୁରଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ଗିରଫ କରିଥିଲା । ଏଥିସହ ଇଡି ରାଣା କପୁର ଓ ଅନ୍ୟ ସହଯୋଗୀଙ୍କ ଠାରୁ 2,203 କୋଟି ଟଙ୍କା ଜବତ କରିଥିଲା । ଏଥିସହ କେନ୍ଦ୍ରୀୟ ଏଜେନ୍ସି ଦ୍ବାରା ରାଣା କପୁରଙ୍କ କିଛି ବିଦେଶୀ ସମ୍ପତ୍ତି ମଧ୍ୟ ଫ୍ରିଜ ହୋଇଥିଲା ।
DHFL ଠାରୁ 600 କୋଟି ଟଙ୍କା ନେଇ ସ୍କାମରେ ସମୃକ୍ତି ମାମଲାରେ କେନ୍ଦ୍ରୀୟ ଏଜେନ୍ସି କପୁର, ତାଙ୍କ ସ୍ତ୍ରୀ ଓ 3 ଝିଅଙ୍କ ବିରୋଧରେ ଯାଞ୍ଚ ଜାରି ରଖିଛି । ଏଥିମଧ୍ୟରେ କପୁର ଗିରଫ ହୋଇଥିଲା ବେଳେ ଗତ ବର୍ଷ ଜୁଲାଇ ମାସରେ ମୁମ୍ବାଇ ସ୍ବତନ୍ତ୍ର କୋର୍ଟ ତାଙ୍କ ଜାମିଲ ଖାରଜ ମଧ୍ୟ କରିଥିଲେ । ଏହା ପରେ କପୁର ହାଇକୋର୍ଟର ଦ୍ବାରସ୍ଥ ହୋଇଥିଲେ ।
