ନୂଆଦିଲ୍ଲୀ: ସଙ୍କଟରେ ହୋଟେଲ ଇଣ୍ଡଷ୍ଟ୍ରିଜର ଚର୍ଚ୍ଚିତ କମ୍ପାନୀ Oyo । ବ୍ଲୁମବର୍ଗର ଏକ ରିପୋର୍ଟ ମୁତାବକ କମ୍ପାନୀ ଆସନ୍ତା 3ରୁ 4 ମାସ ଭିତରେ 1200 କର୍ମଚାରୀଙ୍କ ଛଟେଇ କରିବ । ଭାରତ ବ୍ୟତିତ ଚୀନରେ ମଧ୍ୟ କମ୍ପାନୀ ତାର କର୍ମଚାରୀଙ୍କ ସଂଖ୍ୟା ହ୍ରାସ କରିବ ।
ପ୍ରକାଶ ଯେ, ଷ୍ଟାର୍ଟଅପ କମ୍ପାନୀ ଓୟୋ ଭାରତ ଓ ଚୀନରେ ବଜେଟରେ ହୋଟେଲ ସେବା ପ୍ରଦାନ କରୁଛି । ରିପୋର୍ଟ ମୁତାବକ, ଚୀନରେ ଓୟୋର କାର୍ଯ୍ୟରତ 12 ହଜାର କର୍ମଚାରୀଙ୍କ ମଧ୍ୟରୁ 5 ପ୍ରତିଶତଙ୍କୁ ବାହାର କରି ଦିଆଗଲାଣି । ଏପଟେ ଭାରତରେ କାର୍ଯ୍ୟରତ 10 ହଜାର କର୍ମଚାରୀଙ୍କ ମଧ୍ୟରୁ 12 ପ୍ରତିଶତଙ୍କୁ ବିତାଡିତ କରାଯାଇଛି ।
ଓୟୋର ପ୍ରତିଷ୍ଠାତା ଓଡିଆ ପୁଅ ରିତେଶ ଅଗ୍ରୱାଲ ଏ ନେଇ କହିଛନ୍ତି ଯେ, କାମ ପାଇଁ ସବୁ ଭଲ ସ୍ଥାନ ଭିତରୁ ଆମେ ଗୋଟିଏ । ଏହାର ପ୍ରମୁଖ କାରଣ ଯେ, ଲଗାତାର କର୍ମଚାରୀଙ୍କ ପ୍ରଦର୍ଶନର ମୂଲ୍ୟାଙ୍କନ, ରିୱାର୍ଡ ଓ ପରିଚୟ ପାଇଁ ଆମର କ୍ଷମତା ରହିଛି । ତେବେ ଓୟୋର ଏହି ସଙ୍କଟ Masayoshi Son's SoftBankର ଚିନ୍ତା ବଢାଇବ ।
