ନୂଆଦିଲ୍ଲୀ: ଇରାନ-ଆମେରିକା ବିବାଦ ଭିତରେ ବଢିଥିବା ତେଲ ଦର ନେଇ ଚିନ୍ତା କରନ୍ତୁ ନାହିଁ । ଶୀଘ୍ର ପେଟ୍ରୋଲ-ଡିଜେଲ ଦର ନିୟନ୍ତ୍ରଣ ହେବ । ସରକାର ଏ ନେଇ ଚେଷ୍ଟା ଚଳାଇଛନ୍ତି । ଶନିବାର ସିଆଇଆଇର ଏକ କାର୍ଯ୍ୟକ୍ରମରେ ଯୋଗ ଦେଇ କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏ ନେଇ ଆଶ୍ବସ୍ତି ଦେଇଛନ୍ତି ।
ବାଗଦାଦରେ ଆମେରିକାର ଏୟାଷ୍ଟ୍ରାଇକ ପରେ ଗଳ୍ଫ ଦେଶରେ ବିବାଦ ବଢିଯାଇଛି । ଏହି ସବ ରାଜନୈତିକ କାରଣରୁ ତେଲ ଦର ବୃଦ୍ଧ ପାଇଛି । ତେବେ ଧିରେ ଧିରେ ବିବାଦ କମିବା ଯୋଗୁଁ ଅନ୍ତରାଷ୍ଟ୍ରୀୟ ବଜାରରେ ଅଶୋଧିତ ତୈଳ ଦାମ ହ୍ରାସ ପାଇଛି । ଶୀଘ୍ର ଏହାର ପ୍ରଭାବ ଭାରତ ବଜାରରେ ମଧ୍ୟ ଦେଖିବାକୁ ମିଳିବ ।
ଧର୍ମେନ୍ଦ୍ର କହିଛନ୍ତି ଯେ, ବିଶ୍ବ ବଜାରରେ ଅଶୋଧିକ ତୈଳର କୌଣସି ସଙ୍କଟ ନାହିଁ । ହଁ ତେଲ ଦାମ ସାମାନ୍ୟ ବୃଦ୍ଧି ପାଇଛି । ହେଲେ ଗତ 2 ଦିନ ଭିତରେ ଏହା କମିଛି ।
ଶୁକ୍ରବାର ମଲ୍ଟି କମୋଡିଟି ଏକ୍ସଚେଞ୍ଜରେ ଅଶୋଧିତ ତୈଳ ଦାମ ବ୍ୟାରେଲ ପିଛା 13 ପଇସା ଦୁର୍ବଳ ହୋଇ 4224 ଟଙ୍କାରେ କାରବାର କରୁଥିଲା । ଯାହାକି 4 ଦିନ ତଳେ 4670 ଟଙ୍କା ରହିଥିଲା । ମଧ୍ୟପ୍ରାଚ୍ୟରେ ଉତ୍ତେଜନା କମିଥିବାରୁ ବ୍ୟାରେଲ ପିଛା ତେଲ ପାଖାପାଖି 450 ଟଙ୍କା ହ୍ରାସ ପାଇଛି ।
