ମୁମ୍ବାଇ: ଆରବିଆଇର ମୁଦ୍ରାନୀତି ସମିତି (ଏମପିସି) ବୈଠକରେ ସରକାରଙ୍କ ଦ୍ବାରା ନୂଆ ବାହ୍ୟ ସଦସ୍ୟଙ୍କ ନିଯୁକ୍ତି ପରେ ସୁଧ ହାର ହ୍ରାସକୁ ପ୍ରୋତ୍ସାହନ ମିଳିପାରେ । ଅର୍ଥାତ 9 ତାରିଖରେ ଘୋଷଣା ହେବାକୁ ଥିବା ଏମପିସି ବୈଠକ ନିଷ୍ପତ୍ତିରେ ରେପୋରେଟ ଦର ହ୍ରାସ ହୋଇପାରେ । ଏ ନେଇ ଜାପାନର ଗବେଷଣା ସଂସ୍ଥା ନୋମିରା ଅନୁମାନ କରିଛି ।
ଏମପିସି କମିଟିରେ ସରକାର ସୋମବାର ଅଶିମା ଗୋୟଲ, ଜୟନ୍ତ ଆର ବର୍ମା ଓ ଶଶାଙ୍କ ଭିଡେଙ୍କୁ ମୁଦ୍ରାନୀତି ସମିତିରେ ନିଯୁକ୍ତି କରିଥିଲେ । ତେବେ ଏହି ନିଯୁକ୍ତିରେ ବିଳମ୍ବ ଯୋଗୁଁ ଆରବିଆଇକୁ ଗତ ସପ୍ତାହ ସମିତିର ଦ୍ବିମାସିକ ବୈଠକ ସ୍ଥଗିତ କରିବାକୁ ପଡିଥିଲା । ନୂଆ ନିଯୁକ୍ତି ପରେ ନବଗଠିତ ପ୍ୟାନେଲର ବୈଠକ ବୁଧବାରରୁ ଆରମ୍ଭ ହୋଇଛି । ଏହାର ଫଳାଫଳ ଶୁକ୍ରବାର ଘୋଷଣା ହେବ ।
ନୋମୁରା ବିଶେଷଜ୍ଞଙ୍କ ଅନୁସାରେ ନୂଆ ବାହାର ସଦସ୍ୟ ଏମପିସିକୁ ସୁଧ ହାର କମ ରଖିବା ପାଇଁ ପ୍ରେରିତ କରିପାରନ୍ତି । ଆମର ବିଶ୍ବାସ କି ନୂଆ ବାହାର ସଦସ୍ୟ ସେମାନଙ୍କ ନୀତିଗତ ବିଚାରରେ ସୁଧ ହାରକୁ କମ ରଖିବା ସପୋର୍ଟରେ ଅଛନ୍ତି ।
ତେବେ ବର୍ତ୍ତମାନର ମୁଦ୍ରାସ୍ପୀତିର ଉଚ୍ଚ ହାରକୁ ଦେଖି ତତ୍କାଳ କୌଣସି ପ୍ରଭାବ ପଡିବ ନାହିଁ । ଏମପିସି ରେପୋ ହାରକୁ ସ୍ଥିର ରଖିବା ଉପରେ ଜୋର ଦେଇପାରେ ।
