ନୂଆଦିଲ୍ଲୀ: ଦେଶର ସର୍ବବୃହତ୍ତ କାର ନିର୍ମାତା କମ୍ପାନୀ ମାରୁତି ସୁଜୁକି ଇଣ୍ଡିଆ(MSI)ଗାଡି ଋଣ ପାଇଁ ମହିନ୍ଦା ଫାଇନାନ୍ସ ସହ ହାତ ମିଶାଇଛି ।
MSI ଏକ ବିବୃତ୍ତିରେ କହିଛି, ଏହି ବୁଝାମଣା ଅନୁସାରେ ଗ୍ରାହକ କାର ଋଣ ପାଇଁ ମହିନ୍ଦ୍ରା ଫାଇନାନ୍ସର ବ୍ୟାପକ ବିକଳ୍ପର ଲାଭ ଉଠାଇପାରିବେ ।
କୋଭିଡ-19 ମହାମାରୀ ମଧ୍ୟରେ ବ୍ୟକ୍ତିଗତ ଗତିବିଧି ବ୍ୟାହତ ହୋଇଛି । ଏପରି ସ୍ଥିତିରେ ଲୋକଙ୍କୁ ସହଜରେ ପାଣ୍ଠି ଯୋଗାଇଦେବା ପାଇଁ କମ୍ପାନୀ ଏଭଳି ପଦକ୍ଷେପ ଗ୍ରହଣ କରିଛି ବୋଲି କୁହାଯାଇଛି ।
ଏମଏସଆଇ କାର୍ଯ୍ୟନିର୍ବାହୀ ନିର୍ଦ୍ଦେଶକ (ମାର୍କେଟିଂ ଏବଂ ବିକ୍ରୟ) ଶଶାଙ୍କ ଶ୍ରୀବାସ୍ତବ କହିଛନ୍ତି ଯେ, ମହିନ୍ଦ୍ରା ଫାଇନାନ୍ସ ସମଗ୍ର ଭାରତରେ ଏକ ବ୍ୟାପକ ସମ୍ପ୍ରସାରିତ ଅଣ ବ୍ୟାଙ୍କିଙ୍ଗ ଫାଇନାନ୍ସ କମ୍ପାନୀ (NBFC) । ଏଥିରେ ଅର୍ଦ୍ଧ ଗ୍ରାମୀଣ, ଗ୍ରାମାଞ୍ଚଳ ଓ ବିନା ଆୟ ପ୍ରମାଣ ଗ୍ରାହକଙ୍କ ସମେତ ବିଭିନ୍ନ ପ୍ରକାରର ଗ୍ରାହକ ଅଛନ୍ତି । ଆଉ ଏମାନଙ୍କୁ ଋଣ ଦେବା କ୍ଷେତ୍ରରେ ଏହା ଦକ୍ଷତା ହାସଲ କରିଛି ।
ସେ କହିଛନ୍ତି କି, ମାରୁତିର ଖୁଚୁରା ବିକ୍ରିର ଏକ-ତୃତୀୟାଂଶରୁ ଅଧିକ ଭାଗ ଗ୍ରାମୀଣ ଭାରତରୁ ଆସିଥାଏ ।
