ନୂଆଦିଲ୍ଲୀ: ରୁଗ୍ନଗ୍ରସ୍ଥ ରପ୍ତାନୀ ସେକ୍ଟରରେ ସୁଧାର ଦେଖିବାକୁ ମିଳୁଛି । ଜୁଲାଇ ମାସରେ ରପ୍ତାନୀ ଗତ ବର୍ଷ ଜୁଲାଇ ମାସ ସହ ସମାନ ରହିଛି । ବାଣିଜ୍ୟ ଏବଂ ଶିଳ୍ପ ମନ୍ତ୍ରୀ ପୀୟୁଷ ଗୋଏଲ ମଙ୍ଗଳବାର ଏ ନେଇ କହିଛନ୍ତି ।
ଏଭଳି ଅନେକ ସଙ୍କେତରୁ ଜଣାପଡିଛି କି, ଦେଶରେ ଆର୍ଥିକ ଗତିବିଧିର ସ୍ଥିତି ସୁଧିରିଛି ବୋଲି ଗୋଏଲ ଦୃଢୋକ୍ତି ଦେଇଛନ୍ତି । ସେ କହିଛନ୍ତି କି, ‘‘ ଆମର ରପ୍ତାନୀ ଗତ ବର୍ଷ ଜୁଲାଇ ସ୍ତରରେ ପହଞ୍ଚିଛି । 2019 ଜୁଲାଇ ମାସରେ ପାଖାପାଖୀ 90 ପ୍ରତିଶତ ରପ୍ତାନୀ ହୋଇଥିବା ରିପୋର୍ଟ ରହିଛି । ବାସ୍ତବରେ ଯଦି ଆମେ ଏଥିରୁ ତୈଳ ସମ୍ବନ୍ଧୀୟ ରପ୍ତାନୀ ହଟାଇଦେଉ, ଯାହାର ମୂଲ୍ୟ ହିସାବରେ ଭାଗ କମ ରହିଛି , ତେବେ ଜୁଲାଇରେ ଆମର ରପ୍ତାନୀ ଗତ ବର୍ଷ ସମାନ ମାସର 95 ପ୍ରତିଶତରୁ ଅଧିକ ରହିଛି । ’’
‘‘ ଆଜି ଦେଶର ମୁଡ କେବଳ ଆର୍ଥିକ ଗତିବିଧିକୁ ଟ୍ରାକକୁ ଆଣିବା ନୁହେଁ , ବରଂ ଆଜି ଆମେ ଆତ୍ମନିର୍ଭର ହେବାକୁ ଚାହୁଁଛୁ । ଆମେ ନିଜ ଉତ୍ପାଦର ଗୁଣବତ୍ତାରେ ସୁଧାର ଆଣିବାକୁ ଏବଂ ସେସବୁର ମୂଲ୍ୟ ମଇଦାନରେ ପ୍ରତିଯୋଗୀତା କରିବାକୁ ଚାହୁଁଛି । ’’
ବିଭାଗୀୟ ମନ୍ତ୍ରାଳୟ ଜୁଲାଇ ରପ୍ତାନୀର ଅଫିସିଆଲ ରିପୋର୍ଟ ଅଗଷ୍ଟ ମଧ୍ୟରେ ଜାରି କରିବ । ଜୁନ ମାସର ରିପୋର୍ଟ ଅନୁସାରେ ଲଗାତାର 4 ମାସ ଧରି ରପ୍ତାନୀରେ ହ୍ରାସ ରେକର୍ଡ ହୋଇଛି ।
