ବିଜନେସ ଡେସ୍କ,ଇଟିଭି ଭାରତ: ଆମାଜନ ପ୍ରତିଷ୍ଠାତା ତଥା ସିଇଓ ଜେଫ ବେଜୋସ ଦୁନିଆର ପ୍ରଥମ ବ୍ୟକ୍ତି , ଯାହାର ମୋଟ ସମ୍ପତ୍ତି ମୂଲ୍ୟ 200 ଅରବ ଡଲାର (149 ଲକ୍ଷ କୋଟି ଟଙ୍କା) ଟପିଛି । ଫୋବର୍ସ ଏବଂ ବ୍ଲୁମବର୍ଗ ବିଲିୟନେୟାର୍ସ ଇଣ୍ଡେକ୍ସରେ ଏ ନେଇ ଖୁଲାସା ହୋଇଛି ।
ଫୋବର୍ସ ରିପୋର୍ଟ ମୁତାବକ, ଆମାଜନ ଷ୍ଟକରେ 2 ପ୍ରତିଶତ ବୃଦ୍ଧି ହେବା ପରେ ବୁଧବାର ଦ୍ବିପ୍ରହରରେ ସୁଦ୍ଧା ଦୁନିଆର ସବୁଠୁ ଧନୀ ବ୍ୟକ୍ତିଙ୍କ ସମ୍ପତ୍ତିରେ 4.9 ଅରବ ଡଲାର ଯାଏଁ ବୃଦ୍ଧି ହୋଇଛି ।
ଆମାଜନ ବ୍ୟତୀତ ବେଜୋସ ଏରୋସ୍ପେସ କମ୍ପାନୀ ବ୍ଲୁ ଅରିଜିନ, ୱାଶିଂଟନ ପୋଷ୍ଟ ର ମାଲିକ ଅଟନ୍ତି । ଏଥିସହ ଅନ୍ୟାନ୍ୟ ଘରୋଇ କମ୍ପାନୀରେ ମଧ୍ୟ ସେ ନିବେଶ କରିଛନ୍ତି।
ଆମାଜନରେ ବେଜୋସଙ୍କ 11 ପ୍ରତିଶତ ସେୟାର ଅଛି । ଯାହାର ଯୋଗଦାନ ତାଙ୍କ ମୋଟ ସମ୍ପତ୍ତିରେ 90 ପ୍ରତିଶତରୁ ଅଧିକ ରହିଛି । ଫୋବର୍ସ ରିପୋର୍ଟରେ କୁହାଯାଇଛି କି, କୋରୋନା କାଳରେ ଆମାଜନ ସେବାରେ ବହୁତ ବୃଦ୍ଧି ହୋଇଛି । ବର୍ଷ ଆରମ୍ଭକୁ ଏବେ ସୁଦ୍ଧା କମ୍ପାନୀର ଷ୍ଟକ 80 ପ୍ରତିଶତ ଯାଏଁ ବଢିଛି । ଏଥିରେ ଦର୍ଶାଯାଇଛି କି ଜାନୁଆରୀ 1 ସୁଦ୍ଧା ବେଜୋସଙ୍କ ମୋଟ ସମ୍ପତ୍ତି 115 ଅରବ ଡଲାର ପାଖାପାଖୀ ଥିଲା ।
ଫୋର୍ବସ ଏହାର ରିପୋର୍ଟରେ କହିଛି କି ବୁଧବାର ଦିନ 1.50 (ସ୍ଥାନୀୟ ସମୟ) ସୁଦ୍ଧା ବେଜୋସଙ୍କ ସମ୍ପତ୍ତି ପରିମାଣ 204.6 ଅରବ ଡଲାରରେ ପହଞ୍ଚିଥିବାବେଳେ ବ୍ଲୁମବର୍ଗ ବିଲିୟନେୟାର ଇଣ୍ଡେକ୍ସରେ ଏହା 202 ଅରବ ଡଲାର ବୋଲି କୁହାଯାଉଛି।
