ନୂଆଦିଲ୍ଲୀ: ଆସନ୍ତା 15ରୁ ଟ୍ରାକରେ ଗଡିବ ଦେଶର ଦ୍ରୁତତମ ଟ୍ରେନ ବନ୍ଦେ ମାତାରମ । ତେବେ ଏହି ଟ୍ରେନରେ ଯାତ୍ରା, ଯେତିକି ସମୟ ସାପେକ୍ଷ ସେତିକି ବ୍ୟୟବହୁଳ । ହଁ ଏହି ଟ୍ରେନର ବିଶେଷତ୍ୱ ଯେ, ଯାତ୍ରା କରିବା ବେଳେ ଆପଣଙ୍କୁ ଖାଦ୍ୟ ଝିନଝଟରୁ ମୁକ୍ତି ମିଳିବ ।
ଏଥିରେ ଏକଜିକ୍ୟୁଟିଭ ଶ୍ରେଣୀରେ ଦିଲ୍ଲୀରୁ ବାରଣାସୀ ପର୍ଯ୍ୟନ୍ତ ଯିବା ପାଇଁ 3520 ଟଙ୍କା ଗଣିବାକୁ ପଡିବ । ସେହିଭଳି ଚେୟାର କାରରେ ଏତିକି ସ୍ଥାନ ଯିବା ପାଇଁ ଭଡା ବାବଦକୁ 1850ଟଙ୍କା ଦେବାକୁ ପଡିବ ।
ଏହିପରି ଭାବେ ଫେରିବା ଟିକଟ ଦର ଏକଜିକ୍ୟୁଟିଭ କ୍ଲାସରେ 3470 ଟଙ୍କା ରହିଥିବା ବେଳେ ଚେୟାର କାରରେ 1795 ଟଙ୍କା ରହିଛି । ତେବେ ଏହି ଟ୍ରେନର ଟିକେଟ ଦର ସହ କ୍ୟାଟେରିଂ ଚାର୍ଜ ସାମିଲ ରହିଛି । ଯେଉଁଥିପାଇଁ ଖାଦ୍ୟ ପାଇଁ ଆପଣଙ୍କୁ ଆଦୌ ଅସୁବିଧା ଭୋଗିବାକୁ ପଡିବନାହିଁ ।
ତେବେ ଏହି ଟ୍ରେନର ଯାତ୍ରା ଖର୍ଚ୍ଚ ସୁପର ଏକ୍ସପ୍ରେସ ଶତାବ୍ଦୀଠାରୁ ଦେଢ ଗୁଣା ଅଧିକ ରହିଛି ।
