ନୂଆଦିଲ୍ଲୀ: ବଦଳିଲା ପରମ୍ପରା । ସୃଷ୍ଟି ହେଲା ନୂଆ ଇତିହାସ । ସଂସଦରେ ରେକର୍ଡ କଲେ ସୀତାରମଣ । 49 ବର୍ଷ ପରେ ପ୍ରଥମ ଥର ପାଇଁ ଜଣେ ମହିଳା ବଜେଟ ଆଗତ କରି ଭାଙ୍ଗିଲେ ଚିରାଚରିତ ପରମ୍ପରା । ବ୍ରିଫକେଶ ନୁହେଁ 4 ଫର୍ଦ୍ଦର ଲାଲ କପଡା ଖୋଲି, ରଖିଲେ 2019-20 ଆର୍ଥିକ ବର୍ଷର ଆୟବ୍ୟୟ ହିସାବ । 125 ମିନଟରେ ବଜେଟ ଭାଷଣରେ ପକାଇଲେ ନ୍ୟୁ ଇଣ୍ଡିଆର ମୂଳଦୁଆ । ଗାଁ-ଗରିବ ଓ ଗ୍ରାମାଞ୍ଚଳ ଉପରେ ଫୋକସ, ହେଲେ ସ୍ବାସ୍ଥ୍ୟ ଉପରେ ନାହିଁ ନଜର ।
ଏପଟେ ଆଗାମୀ 5 ବର୍ଷରେ ଦେଶର ଭିତ୍ତିଭୂମିକୁ ମଜବୁତ କରିବାକୁ ଖର୍ଚ୍ଚ ହେବ 100 ଲକ୍ଷ କୋଟି ଟଙ୍କା । ବଜେଟରେ ଦିବ୍ୟାଙ୍ଗ ପାଇଁ ବଡ ଘୋଷଣା ହୋଇଛି । ଆସିବ ନୂଆ କଏନ, ବଢିବ ପେଟ୍ରେଲ-ଡିଜେଲ ଓ ସୁନା ଦର । ବଜେଟରେ ସରକାରଙ୍କ ଫୋକସରେ ବୈଦ୍ୟୁତିକ ଯାନ । ଏହି ବଜେଟ ଗରିବଙ୍କୁ ବଳ ଦେବା ସହ ଯୁବକଙ୍କ ସୁନ୍ଦର ଭବିଷ୍ୟତ ଗଢିବ ବୋଲି ପ୍ରତିକ୍ରିୟାରେ କହିଛନ୍ତି ପ୍ରଧାନମନ୍ତ୍ରୀ ।
ତେବେ ନଜର ପକାନ୍ତୁ ବଜେଟ୍ ହାଇଲାଇଟ୍ସ ଉପରେ.......
‘ନାରୀ ତୁ ନାରାୟଣୀ’
- ମୁଦ୍ରା, ଷ୍ଟାର୍ଟଅପ, ଷ୍ଟାର୍ଟଅପ ସ୍କିମ ଜରିଆରେ ମହିଳାଙ୍କୁ ପ୍ରାଥମିକତା
- ଜନଧନ ଯୋଜନାରେ ଅର୍ନ୍ତଭୁକ୍ତ ମହିଳା ହିତାଧିକାରୀଙ୍କୁ 5 ହଜାରର ଓଭରଡ୍ରାଫ୍ଟ
- ମୁଦ୍ରା ସ୍କିମରେ SHG ମହିଳା 1 ଲକ୍ଷ ପର୍ଯ୍ୟନ୍ତ ଋଣ ନେଇପାରିବେ
- ମହିଳା ସେଲ୍ଫ ସ୍କିମକୁ ପ୍ରାଧାନ୍ୟ ଦେବାକୁ WSGକୁ ଅଗ୍ରାଧିକାର ଦିଆଯିବ
ଶକ୍ତିଶାଳୀ ହେବେ ଅନ୍ନଦାତା
- ଆତ୍ମ ନିର୍ଭରଶୀଳ ହେବେ ଚାଷୀ
- ଲାଗୁ ହେବ ଜିରୋ ବଜେଟ ଆଇନ
- 5 ବର୍ଷରେ 10 ହଜାର ନୂଆ କିସାନ ଉତ୍ପାଦକ ସଙ୍ଗଠନ ଗଠନ
- ଦୁଗ୍ଧ ଉତ୍ପାଦନ-ରତ୍ପାନୀକୁ ପ୍ରାଧାନ୍ୟ ଦିଆଯିବ
ବଜେଟରେ କର ଛାଡ
- ବାର୍ଷିକ 5 ଲକ୍ଷ ଆୟ ଉପରେ ନୋ ଟ୍ୟାକ୍ସ
- 3 କୋଟି ମଧ୍ୟବିତ୍ତଙ୍କୁ ମିଳିବ ଫାଇଦା
- ଷ୍ଟାଣ୍ଡର୍ଡ ଡିଡକ୍ସନ 40 ରୁ ବଢି 50 ହଜାର ହୋଇଛି
- ଘର ଭଡା ଉପରେ ଟ୍ୟାକ୍ସ ଡିଡକ୍ସନ ସୀମା ଅଢେଇ ଲକ୍ଷକୁ ବୃଦ୍ଧି
- 40 ହଜାର ସୁଧ ଉପରେ ହୋଉଥିବା ଆୟରେ ଲାଗିବନି ଟିକସ
- 45 ଲକ୍ଷର ଗୃହ କିଣିଲେ ମିଳିବ ଟିକସ ରିହାତି
- 4 ଶହ କୋଟି କାରବାର କରୁଥିବା କମ୍ପାନୀ ଦେବେ 25 ପ୍ରତିଶତ ସୁଧ
- ସୋଲାର ପ୍ୟାନେଲ ଶିଳ୍ପକୁ ଟ୍ୟାକ୍ସ ରିହାତି
- କ୍ଷୁଦ୍ର ବ୍ୟବସାୟୀଙ୍କୁ ଋଣ ଉପରେ ମିଳିବ 2 ପ୍ରତିଶତ ରିହାତି
ପରିବହନ
- 2019ରେ 210 କିଲୋମିଟର ନୂଆ ମେଟ୍ରୋ ଲାଇନ ପରିଯୋଜନା
- ବୈଦ୍ୟୁତିକ ଯାନ ବ୍ୟବହାର ବୃଦ୍ଧି ଉପରେ ଫୋକସ
- ଇଲୋକ୍ଟ୍ରନିକ ବ୍ୟାଟେରୀ ପାଇଁ ଭିତ୍ତିଭୂମି ଗଢାଯିବ
- ଆଗାମୀ 5 ବର୍ଷରେ 1,20,000 କିମି ସଡକ ନିର୍ମାଣ ଲକ୍ଷ୍ୟ
- ରେଳ ସଂଯୋଗକୁ ଅଧିକ ବିକଶିତ ଓ ଯାତ୍ରୀ ଉପଯୋଗୀ କରିବା ପାଇଁ ପିପିପି ମୋଡ
- ସମଗ୍ର ଦେଶରେ ୩୦୦ କିମିର ରେଳ ଓ ମେଟ୍ରୋ ପ୍ରକଳ୍ପ
- ୫ ବର୍ଷ ମଧ୍ୟରେ ୧୨,୫୦୦ କିମି ନୂଆ ରାସ୍ତା ନିର୍ମାଣ ପାଇଁ ୮୦,୨୫୦ କୋଟି ବରାଦ
ଫୋକରେ ବିଜନେସ
- ଏମଏସଏମଇ ପାଇଁ 59 ମିନିଟରେ 1 କୋଟି ଋଣ
- ଏମଏସଏମଇ କ୍ଷେତ୍ରରେ ଋଣ ଯୋଜନା ପାଇଁ 350 କୋଟି
- 5 କୋଟି ଟଙ୍କା ପର୍ଯ୍ୟନ୍ତ କାରବାର କରୁଥିବା ବ୍ୟବସାୟୀଙ୍କ ପାଇଁ ପେନସନ ସ୍କିମ
- 3 କୋଟି ଦୋକାନୀଙ୍କୁ ପେନସନ ବ୍ୟବସ୍ଥା
- ଏମଏସଏମଇ ପାଇଁ ପେମେଣ୍ଟ ପ୍ଲାଟଫର୍ମ ବ୍ୟବସ୍ଥା
- ଷ୍ଟାର୍ଟଅପ ଇଣ୍ଡିଆ ସ୍କିମରେ ମହିଳା, ଏସି, ଏସଟି ବ୍ୟବସାୟୀଙ୍କୁ ଫାଇଦା
- ଷ୍ଟାର୍ଟଅପ ପାଇଁ ଟିଭି ଚ୍ୟାନେଲରେ ପୋଗ୍ରାମ ଆରମ୍ଭ ହେବ
ଶସ୍ତାରେ ମିଳିବ ଘର
- ଏଣିକି 3.5 ଲକ୍ଷ ହାଉସିଂ ଲୋନ ଉପରେ ସୁଧ ଛାଡ ହେବ । ପୂର୍ବରୁ ଏହା 2 ଲକ୍ଷ ରହିଥିଲା ।
- ସେହିପରି 45 ଲକ୍ଷ ଟଙ୍କାର ଘର କ୍ରୟ ଉପରେ ଅତିରିକ୍ତ 1.5 ଲକ୍ଷ ଟଙ୍କା ଛାଡ
- 2.5 ଲକ୍ଷ ପର୍ଯ୍ୟନ୍ତ ଇଲୋକ୍ଟ୍ରନିକ ଯାନ କ୍ରୟ ଉପରେ ରିହାତି ମିଳିବ ।
- ଇ-ଯାନ ଉପରେ ଜିଏସଟି 12 ରୁ ହ୍ରାସ ପାଇ 5 ପ୍ରତିଶତ ହୋଇଛି ।
- ସେହିପରି ଇ-ଯାନ କିଣିଲେ ଆୟକରରେ 1.5 ଲକ୍ଷ ଛାଡ ମିଳିବ ।
କିଛି ଖାସ
- ଲାଗୁ ହେବ ଭଡା ଘର ଆଇନ, ଚଳିବନି ମାଲିକଙ୍କ ମନମାନି
- ବିଶ୍ବସ୍ତରୀୟ 17ଟି ପର୍ଯ୍ୟଟନ ସ୍ଥଳ
- ଏନଆରଆଇ ଭାରତୀୟଙ୍କ ପାଇଁ ଆଧାରକାର୍ଡ ସ୍କିମ
- ଆସନ୍ତା 5 ବର୍ଷରେ ଭିତ୍ତିଭୂମି ପାଇଁ 100 ଲକ୍ଷ କୋଟି ନିବେଶ କରିବେ ସରକାର
- ବିଦେଶରେ ଭାରତର ଜଲୱା
- ବିଦେଶରେ 4ଟି ଦୂତବାସ
- ପ୍ରବାସୀ ଭାରତୀୟଙ୍କୁ ମିଳିବ ଆଧାର କାର୍ଡ
ମିଶନ ଏଲଇଡି
- 35 କୋଟି ଏଲଇଡି ବଲ୍ବ
- ଯେଉଁଥିପାଇଁ ପ୍ରତିବର୍ଷ 18,341 ସଞ୍ଚୟ ହେଉଛି ।
- ୱାନ ନେସନ ୱାନ ଗ୍ରୀଡ, ଘରେ ଘରେ ବିଜୁଳି
କ୍ରୀଡା
- ଖେଳାଳୀଙ୍କ ବିକାଶ ପାଇଁ ରାଷ୍ଟ୍ରୀୟ ଖେଳ ଶିକ୍ଷା ବୋର୍ଡ
- 10 ମିଲିଅନ ଯୁବପୀଢିଙ୍କୁ କୁଶଳୀ କରିବାକୁ ତାଲିମ
ଷ୍ଟଡି ଇନ ଇଣ୍ଡିଆ
- ବିଦେଶୀ ଛାତ୍ରଛାତ୍ରୀଙ୍କୁ ଭାରତ ଆଣିବା ଲକ୍ଷ୍ୟ
- ଆସିବ ନୂଆ ରାଷ୍ଟ୍ରୀୟ ଶିକ୍ଷା ନୀତି
- swayam ଜରିଆରେ ଡିଜିଟାଲ ହେବେ ଛାତ୍ରଛାତ୍ରୀ
- ଗବେଷଣାକୁ ଦିଆଯିବ ଗୁରୁତ୍ବ
- 2019-20 ପାଇଁ ବିଶ୍ବ ଶ୍ରେଣୀ ସଂସ୍ଥାନ ଅଧିନରେ 400 କୋଟି
- ତିଆରି ହେବ ରାଷ୍ଟ୍ରୀୟ ଅନୁସନ୍ଧାନ ପ୍ରତିଷ୍ଠାନ (NRF)
ଗାଁ-ଗରିବ-ଗଳିକନ୍ଦି
- ୫ ବର୍ଷ ମଧ୍ୟରେ ୫.୬ ଲକ୍ଷ ଗାଁ ଖୋଲା ଶୌଚ ମୁକ୍ତ ହୋଇପାରିଛି
- ସ୍ୱଚ୍ଛ ଭାରତ ମିଶନ ପାଇଁ ପ୍ରତି ଗାଁରେ ୱେଷ୍ଟ ମ୍ୟାନେଜମେଣ୍ଟ କାର୍ଯ୍ୟକ୍ରମ
- PMAYରେ ୧.୯୫ କୋଟି ଲୋକଙ୍କୁ ଘର
- ପ୍ରତ୍ୟକଙ୍କୁ ଏଲପିଜି, ବିଜୁଳି ଓ ଟଏଲେଟ୍
- ୨୦୨୨ ସୁଦ୍ଧା ପ୍ରତି ପରିବାରକୁ ଏଲପିଜି ଓ ବିଦ୍ୟୁତ
- ୨୦୨୪ ସୁଦ୍ଧା ଘରେ ଘରେ ବିଶୁଦ୍ଧ ପାଣି
ବଜେଟ ପ୍ରହାର
- ସୁନା ଉପରେ 10 ପ୍ରତିଶତ କଷ୍ଟମ ଡ୍ୟୁଟି ବଢିଲା
- ତମାଖୁରେ ଲାଗିବ ଅତିରିକ୍ତ ଶୁଳ୍କ
- 1 ଟଙ୍କା ଲେଖାଁଏ ମହଙ୍ଗା ହେବ ପେଟ୍ରୋଲ-ଡିଜେଲ
- ଉଚ୍ଚଆୟକାରୀଙ୍କୁ ଝଟକା, ବାର୍ଷିକ 2ରୁ5 କୋଟି ଆୟ ଉପରେ 3 ପ୍ରତିଶତ ଓ 5 କୋଟି ଉପରେ 7 % ସରଚାର୍ଜ ଲାଗିବ
- 1 କୋଟିରୁ ଅଧିକ ଟଙ୍କା ଉଠାଣ ଉପରେ ଅଧିକ ଟିକସ
