ନୂଆଦିଲ୍ଲୀ: ଆଜି(ଶୁକ୍ରବାର) ବସିବ ଜିଏସଟି କାଉନସିଲ ବୈଠକ । ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଅଧ୍ୟକ୍ଷତାରେ ଗୋଆରେ ବୈଠକ ବସିବ । ବୈଠକରେ ଅଟୋମୋବାଇଲ, ଏଫଏମସିଜି ଓ ହୋଟେଲ ପ୍ରମୁଖ ମୁଦ୍ଦା ହୋଇପାରେ । 37 ତମ ଜିଏସଟି କାଉନସିଲ ବୈଠକରେ ସବୁ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳର ପ୍ରତିନିଧି ଯୋଗଦେବେ ।
ବୈଠକରେ ବିଭିନ୍ନ ଗୁରୁତ୍ବପୂର୍ଣ୍ଣ ନିଷ୍ପତି ହୋଇପାରେ । ଜିଏସଟି ଦର କମାଇବାକୁ ବିଭିନ୍ନ ଉଦ୍ୟୋଗ କରୁଥିବା ଦାବିକୁ ଏଥିରେ ପ୍ରାଧାନ୍ୟ ଦିଆଯିବ ବୋଲି ଚର୍ଚ୍ଚା ହେଉଛି ।
ଅଟୋମୋବାଇଲ ସେକ୍ଟରରୁ ଆରମ୍ଭ କରି ଏଫଏମସିଜି ଓ ହୋଟେଲ ଭଳି ଶିଳ୍ପରେ ଆର୍ଥିକ ସ୍ଥିତି ଭଲ ନଥିବାରୁ ଏଥିରୁ ଜିଏସଟି କମାଇବାକୁ ଦାବି ହୋଇଛି । ଯାହା ଉପରେ ଆଜି ବିଚାର କରାଯାଇପାରେ ।
ଆସନ୍ତୁ ଜାଣିବା କେଉଁ ଉଦ୍ୟୋଗରେ କେତେ ପ୍ରତିଶତ ଜିଏସଟି କରିବାକୁ ଦାବି ହୋଇଛି ।
| ଉଦ୍ୟୋଗ | ବର୍ତ୍ତମାନ ଜିଏସଟି ଦର | ଦାବି |
| ଅଟୋମୋବାଇଲ ଉଦ୍ୟୋଗ | 28 ପ୍ରତିଶତ | 18ପ୍ରତିଶତ |
| ଦୂରସଂଚାର ଉଦ୍ୟୋଗ | 18 ପ୍ରତିଶତ | 12 ପ୍ରତିଶତ |
| ହୋଟେଲ ଉଦ୍ୟୋଗ | 28 ପ୍ରତିଶତ | 18 ପ୍ରତିଶତ |
| ବିସ୍କୁଟ ଉଦ୍ୟୋଗ (ଲଘୁ ଉଦ୍ୟୋଗ) | 18 ପ୍ରତିଶତ | 5 ପ୍ରତିଶତ |
| ବିସ୍କୁଟ ଉଦ୍ୟୋଗ (ଭାରୀ ଉଦ୍ୟୋଗ) | 18 ପ୍ରତିଶତ | 12 ପ୍ରତିଶତ |
