ନୂଆଦିଲ୍ଲୀ: ଭାରତରେ କାରବାର, ବ୍ୟବସାୟ ପାଇଁ ଅନୁକୂଳ ବାତାବରଣ ଓ ନିବେଶଙ୍କୁ ଆକୃଷ୍ଟ କରିବାକୁ ନୀତି ଓ କାର୍ଯ୍ୟକ୍ରମରେ ଆଗକୁ ଆହୁରି ସୁଧାର ନେଇ ସରକାର ପ୍ରସ୍ତୁତ ହେଉଛନ୍ତି । ମଙ୍ଗଳବାର ଅର୍ଥମନ୍ତ୍ରୀ ନିର୍ମଳା ସୀତାରମଣ ଭାରତ ଓ ସ୍ବିଡେନ ବିଜନେସ ସମିଟ ସମ୍ବୋଧନରେ ଏନେଇ କହିଛନ୍ତି।
କାରବାରକୁ ପ୍ରୋତ୍ସାହିତ କରିବା ପାଇଁ ନିକଟରେ ମୋଦି ସରକାରଙ୍କ ଦ୍ବାରା ନିଆଯାଇଥିବା ପଦକ୍ଷେପ ସମ୍ପର୍କରେ ମଧ୍ୟ ଅର୍ଥମନ୍ତ୍ରୀ ଏଠାରେ ସୂଚନା ଦେଇଛନ୍ତି । ଏଥିରେ କମ୍ପାନୀ ଉପରୁ ଆୟକର ହ୍ରାସ ନିଷ୍ପତ୍ତି ମଧ୍ୟ ସାମିଲ ରହିଛି ।
ଅର୍ଥମନ୍ତ୍ରୀ କହିଛନ୍ତି ଯେ, ‘ମୁଁ କେବଳ ଆପଣଙ୍କୁ ଆମନ୍ତ୍ରଣ କରିପାରିବି ଓ ଆଶ୍ବସନା ଦେଇପାରିବି କି ଆଗକୁ ଅର୍ଥବ୍ୟବସ୍ଥାର ବିଭିନ୍ନ କ୍ଷେତ୍ରରେ ଆହୁରି ସୁଧାର ନେଇ ଭାରତ ପ୍ରତିଶ୍ରୁତିବଦ୍ଧ।’ ଏଥିରେ ବ୍ୟାଙ୍କିଙ୍ଗ,ବୀମା ଓ ଖଣି କ୍ଷେତ୍ର ଭଳି ଗୁରୁତ୍ବପୂର୍ଣ୍ଣ ସେକ୍ଟର ରହିପାରିବ।
