ନୂଆଦିଲ୍ଲୀ: କୋରୋନା ସଙ୍କଟ ମଧ୍ୟରେ ଭାରତୀୟ ଉଦ୍ୟୋଗ ପାଇଁ ଖୁସି ଆଣିଛି ଫେସବୁକ ଏବଂ ଜିଓର ଚୁକ୍ତି । ଫେସବୁକ ଜିଓରେ 43,574 କୋଟି ଟଙ୍କା ନିବେଶ କରିବାକୁ ଯାଉଛି ।
କୋଭିଡ -19 ବିପଦ ଭିତରେ ଏତେ ବଡ ନିବେଶ ନେଇ କେହି ଚିନ୍ତା କରିନଥିଲେ । ହେଲେ ଫେସବୁକର ଏହି ଘୋଷଣାରେ ଭାରତୀୟ ପ୍ରଯୁକ୍ତିବିଦ୍ୟା ଓ ଇକମର୍ସ ସେକ୍ଟରରେ ଖୁସିର ଲହରୀ ଖେଳିଯାଇଛି ।
ଫେସବୁକର ଏହି ସର୍ବ ବୃହତ ବିଦେଶୀ ପୁଞ୍ଜି ବିନିଯୋଗ ଘୋଷଣା କରିବା ପରେ ସିଇଓ ମାର୍କ ଜୁକରବର୍ଗ କହିଛନ୍ତି ଯେ, ଏହା ଭାରତର ଲୋକଙ୍କ ପାଇଁ ବାଣିଜ୍ୟ ସୁଯୋଗ ସୃଷ୍ଟି କରିବ । କିରାଣୀ ସାମାଗ୍ରୀ ଓ ଅନ୍ୟ ଘରୋଇ ଆବଶ୍ୟକ ଜିନିଷ ବିସ୍ତାର ପାଇଁ ସ୍ଥାପନ କରାଯାଇଥିବା ଜିଓ ମାର୍ଟ ଏହି ଚୁକ୍ତର ସର୍ବବୃହତ୍ତ ଲାଭାର୍ଥୀ ହେବାକୁ ଯାଉଛି । ଏହା ରିଲାଏନ୍ସ ରିଟେଲର ନୂଆ ବାଣିଜ୍ୟ ବ୍ୟବସାୟ । ଏହି ନିବେଶ ଏଭଳି ସମୟର କରାଯାଇଛି ଯେବେ ରିଟେଲ କ୍ଷେତ୍ରର କାମ ସଠିକ ଦିଗରେ ହୋଇପାରୁନାହିଁ ।
ତେବେ ଅନଲାଇନ ରିଟେଲ ସେକ୍ଟରରେ ରିଲାଏନ୍ସର ପ୍ରବେଶ ଆମଜନ ପାଇଁ ସବୁଠୁ ବଡ ଚ୍ୟାଲେଞ୍ଜ ହେବ । ରିଲାଏନ୍ସ ରିଟେଲର ଅଧିଗ୍ରହଣ ଭାରତୀୟ ବଜାରରେ ଭଲ ରହିଛି । ଏହା 6600ରୁ ଉଦ୍ଧ୍ବ ସହରରେ 10,415 ଷ୍ଟୋରର ପରିଚାଳନା କରେ ।
ଏହି ନିବେଶର ଦ୍ବିତୀୟ ଲାଭାର୍ଥୀ ହ୍ବାଟସଆପ ପେ । ଯଦିଓ ହ୍ବାଟସଆପ ଆରମ୍ଭ କରିବାରେ ବିଳମ୍ବ ହୋଇଛି । ହେଲେ ଜୁକରବର୍ଗ ଦୋହରାଇଛନ୍ତି କି ୟୁପିଆଇ ଆଧାରିତ ପେମେଣ୍ଟ ସୁବିଧା ଦେଶ ପାଇଁ ଆଗାମୀ ବଡ ବିଷୟବସ୍ତୁ ।
