ନୂଆଦିଲ୍ଲୀ: କାଫେ କଫି ଡେ ସିସିଡି ମାଲିକ ଭି.ଜି ସିଦ୍ଧାର୍ଥଙ୍କ ମୃତ୍ୟୁ ପରେ ଅଥୟ ବଜାର । କମ୍ପାନୀ କାରବାରକୁ ନିୟନ୍ତ୍ରଣ କରିବା ପାଇଁ କର୍ତ୍ତୁପକ୍ଷଙ୍କ ପକ୍ଷରୁ ଏସ ଭି ରଙ୍ଗନାଥଙ୍କୁ କାମଚଳା ଅଧ୍ୟକ୍ଷ ଭାବେ ନିଯୁକ୍ତି ଦିଆଯାଇଛି । ରଙ୍ଗନାଥ କର୍ଣ୍ଣାଟକର ପୂର୍ବତନ ମୁଖ୍ୟ ଶାସନ ସଚିବ ରହିଥିଲେ ।
ଏଥିସହ କମ୍ପାନୀ ପକ୍ଷରୁ ଅନ୍ତରୀଣ ଚିଫ ଅପରେଟିଙ୍ଗ ଅଫିସର ଭାବେ Nitin Bagmaneଙ୍କୁ ଦାୟିତ୍ବ ଦିଆଯାଇଛି । ବୁଧବାର ସିଦ୍ଧାର୍ଥଙ୍କ ମୃତଦେହ ଉଦ୍ଧାର ପରେ ମ୍ୟାନେଜମେଣ୍ଟ ପକ୍ଷରୁ ଜରୁରୀକାଳୀନ ବୈଠକ ପରେ ଏ ନେଇ ନିଷ୍ପତ୍ତି ନିଆଯାଇଛି । ଏ ନେଇ ଆଗମୀ ଘୋଷଣା ଅଗଷ୍ଟ 8ରେ କମ୍ପାନୀ ବୋର୍ଡ ବୈଠକ ପରେ କରାଯିବ ।
ରଙ୍ଗନାଥନ କର୍ଣ୍ଣାଟକ କ୍ୟାଡର 1975 ବ୍ୟାଚର ଆଇଏଏସ ଅଫିସର । ସେ ବିଭିନ୍ନ କ୍ଷେତ୍ରରେ ପ୍ରଶାସନିକ ମୁଖ୍ୟ ଭାବେ କାର୍ଯ୍ୟଭାର ଗ୍ରହଣ କରିଛନ୍ତି ।
