ନୂଆଦିଲ୍ଲୀ: ବଜାଜ ଅଟୋ ଗାଡି ଥିଲେ ଆପଣଙ୍କ ପାଇଁ ରହିଛି ଖୁସି ଖବର । ବଜାଜ ଅଟୋ ତାର ସବୁ ମଡେଲର ମାଗଣା ସର୍ଭିସ ଅବଧି ଜୁଲାଇ 31 ଯାଏଁ ବଢାଇଛି । ବଜାଜ ଅଟୋ ସମଗ୍ର ଦେଶରେ ଏଭଳି ସୁବିଧା ଦେଇଥିବା ନେଇ ବୁଧବାର କହିଛି ।
ଅନେକ ରାଜ୍ୟ ଦ୍ବାରା କୋଭିଡ-19 ମହାମାରୀର ଦ୍ବିତୀୟ ଲହରକୁ ରୋକିବା ପାଇଁ ସ୍ଥାନୀୟ ସ୍ତରରେ ଲକଡାଉନ ଲାଗୁ ହୋଇଛି । ଏଣୁ ଯାତାୟତ ବି ବନ୍ଦ ରହିଛି । ଏହାକୁ ଦୃଷ୍ଟିରେ ରଖି କମ୍ପାନୀ ଏଭଳି ନିଷ୍ପତ୍ତି ନେଇଛି । ଏକ ବିବୃତ୍ତିରେ କମ୍ପାନୀ କହିଛି କି ଏପ୍ରିଲ ପହିଲାରୁ ମେ 31 ମଧ୍ୟରେ ଶେଷ ହେବାକୁ ଥିବା ଗାଡିର ମାଗଣା ସେବା ଅବଧି ଏବେ ଜୁଲାଇ 31 ଯାଏଁ ବଢାଇ ଦିଆଯାଇଛି ।
ତେବେ ବଢିଥିବା ମାଗଣା ସର୍ଭିସ ଅବଧି ସମସ୍ତ ଦୁଇଚକିଆ ଓ ବାଣିଜ୍ୟିକ ବାହାନ ଉପରେ ଲାଗୁ ରହିଛି । ବଜାଜ ଅଟୋର କାର୍ଯ୍ୟନିର୍ବାହୀ ନିର୍ଦ୍ଦେଶକ ରାକେଶ ଶର୍ମା କହିଛନ୍ତି ‘‘ ଗତ ବର୍ଷ ଭଳି ଆମେ ନିଜ ସମସ୍ତ ଗ୍ରାହକଙ୍କ ପାଇଁ ପୁଣି ଥରେ ସର୍ଭିସ ଅବଧିକୁ ଦୁଇ ମାସ ପାଇଁ ବଢାଉଛୁ । ’’
