ନୂଆଦିଲ୍ଲୀ: ନୀତି ଆୟୋଗ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (CEO) ଅମିତାଭ କାନ୍ତ କାର୍ଯ୍ୟକାଳ ବର୍ଷେ ବଢିଲା । ଏନେଇ ମଙ୍ଗଳବାର ଘୋଷଣା କରାଯାଇଛି । 2016 ମସିହାରେ ସେ ନୀତି ଆୟୋଗର ସିଇଓ ଭାବେ ନିଯୁକ୍ତି ପାଇଥିଲେ ।
କାର୍ମିକ ମନ୍ତ୍ରାଳୟ ଏକ ଆଦେଶରେ କହିଛି କି, ମନ୍ତ୍ରୀମଣ୍ଡଳର ନିଯୁକ୍ତି କମିଟି 2021 ଜୁନ 30 ପରେ 1 ବର୍ଷ ପାଇଁ କାନ୍ତଙ୍କ କାର୍ଯ୍ୟାଳୟ ବିସ୍ତାର କରିଛି । 2022 ଜୁନ 30 ଯାଏଁ କାନ୍ତ ସିଇଓ ଭାବେ କାର୍ଯ୍ୟଭାର ସମ୍ଭାଳିବେ ।
ଅମିତାଭକାନ୍ତ ଭାରତୀୟ ପ୍ରଶାସନିକ ସେବା (ଆଇଏଏସ)ର 1980 ବ୍ୟାଚ କେରଳ କ୍ୟାଡର ଅଧିକାରୀ । ଏହା ପୂର୍ବରୁ ବି 2019 ରେ ନୀତି ଆୟୋଗର ସିଇଓ ଭାବେ ତାଙ୍କ କାର୍ଯ୍ୟକାଳକୁ 2 ବର୍ଷ ବିସ୍ତାର କରାଯାଇଛି ।
