ରାଉରକେଲା: ରେଲଓ୍ବେ କଲୋନୀରେ ଅଘଟଣ । ବିଦ୍ୟୁତ ଆଘାତରେ ଜନୈକ ମହିଳା ମୃତ । ମୃତକ ଜଣକ ହେଲେ ସୁଲେଖା ପାଲ ।
ଭିଡିଓ ସୌଜନ୍ୟ: ସମ୍ବାଦଦାତା ରାଉରକେଲା ସୂଚନାମୁତାବକ, ରାଉରକେଲାର ବନ୍ଧମୁଣ୍ଡା ଅଞ୍ଚଳସ୍ଥିତ ସେକ୍ଟର-ଇ ରେଲଓ୍ବେ କ୍ବାର୍ଟରରେ ମହିଳା ଜଣକ ରହୁଥିଲେ । ତାଙ୍କର ଘର ବାହାରେ ବନ୍ଧା ଯାଇଥିବା ତାରରେ କପଡା ଶୁଖେଇଲା ବେଳେ ବିଦ୍ୟୁତ ଆଘାତ ଲାଗିଥିଲା । ତୁରନ୍ତ ତାଙ୍କୁ ଡାକ୍ତରଖାନା ନିଆ ଯାଇଥିଲା କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ତେବେ ଅନୁମାନ କରାଯାଉଛି ଯେ, ରେଳବାଇ କ୍ବାର୍ଟରରେ ଆର୍ଥିଙ୍ଗ ଏବଂ ଏମସିବି ଭଳି ସୁରକ୍ଷା ବ୍ୟବସ୍ଥା ନଥିବାର ଯୋଗୁ ଏହି ଭଳି ଅଘଟଣ ଘଟିଛି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ