ଭୁବନେଶ୍ବର: କପଡା କହି ବ୍ଯାଗରେ ନେଉଥିଲେ ଗଞ୍ଜେଇ। ଆରପିଏଫ ଦେଖି ଏଣ୍ଟ୍ରିରେ ହେଲେ ହଡବଡି। ସନ୍ଦେହ ହେବାରୁ ଆରପିଏଫ ଟିମ କଲା ଚେକିଂ। ଭୁବନେଶ୍ବର ଷ୍ଟେସନର ବ୍ଯାଗେଜ କାଉଣ୍ଟର ଚେକିଂ ବେଳେ ଧରାପଡିଲେ ୨ଜଣ ଶ୍ରମିକ। ଯେଏକି ନିଜ ବ୍ୟାଗରେ କପଡା କହି ନେଉଥିଲେ ୨ ଲକ୍ଷ ଟଙ୍କାର ଗଞ୍ଜେଇ ।
୨ଟି ବ୍ଯାଗରେ ୨୦ କେଜି ୪୦୦ଗ୍ରାମ ଗଂଜେଇକୁ ଜବତ କରିଛି ଆରପିଏଫ ଟିମ । ୨ଜଣ ଶ୍ରମିକ ଗଞ୍ଜାମ ହିଜଳି ବେଲଗାଓର ନାରାୟଣ ସାହୁ ଓ ଶ୍ରୀଧର ପାଣିଗ୍ରାହୀଙ୍କୁ ଗିରଫ କରି ଜିଆରପି ପୋଲିସକୁ ହସ୍ତାନ୍ତର କରିଛି ଆରପିଏଫ ଟିମ । ଗିରଫ ଦୁଇ ଜଣ ଶ୍ରମିକ ଭାବେ ସୁରତ ଯାଉଥିଲେ ବୋଲି ପୋଲିସକୁ କହିଛନ୍ତି । ଭୁବନେଶ୍ବର ଷ୍ଟେସନରେ ଧରାପଡିବା ପରେ ଉଭୟଙ୍କୁ ଏନଡିପିଏସ ଆକ୍ଟରେ କୋର୍ଟ ଚାଲାଣ କରିଛି ଜିଆରପି ପୋଲିସ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
