ଖୋର୍ଦ୍ଧା: ବେଗୁନିଆ ବ୍ଲକ ଅନ୍ତର୍ଗତ କଣ୍ଟାବାଡ ଗ୍ରାମରେ ସ୍ୱୟଂ ସହାୟକ ଗୋଷ୍ଠୀର ସଦସ୍ୟଙ୍କ ଦ୍ଵାରା ମଦ ବିରୋଧୀ କାର୍ଯ୍ୟକ୍ରମ । ମହିଳାମାନେ ନିଶା ନିରାକରଣ ସଚେତନତା ଅଭିଯାନ ଆରମ୍ଭ କରି ଗାଁ ଗାଁ ବୁଲିଥିଲେ । ମଦ ବିକ୍ରି ବନ୍ଦକର, ମଦ ମୁକ୍ତ ପରିବାର ଦରକାର, ମଦ ହଟାଅ ନାରୀ ବଞ୍ଚାଅ ଆଦି ସ୍ଲୋଗାନ ନେଇ ଗାଁ ପରିକ୍ରମା କରିଥିଲେ ।
ଏହା ମଧ୍ୟ ପଢନ୍ତୁ: ଆସନ୍ତାକାଲି ବସିବ ବିଜେଡି ବିଧାୟକ ଦଳ ବୈଠକ
ତେବେ ଗାଁରେ ମାତ୍ରାଧିକ ମଦ ବିକ୍ରି ହେଉଥିବାରୁ ସ୍ଥାନୀୟ ଅଞ୍ଚଳରେ ମଦ ମୃତ୍ୟୁ ସଂଖ୍ୟା ବଢ଼ିବାରେ ଲାଗୁଛି ଏବଂ ସରକାରଙ୍କୁ ଏ ବିଷୟରେ ଅବଗତ କରିଥିଲେ ମଧ୍ୟ କୌଣସି ଫଳ ମିଳୁନାହିଁ । ତୁରନ୍ତ ଏହି ଅଞ୍ଚଳରୁ ଚୋରା ମଦ ବେପାରୀଙ୍କୁ ଗିରଫ କରିବା ସହ କଡା କାର୍ଯ୍ୟାନୁଷ୍ଠାନ ଗ୍ରହଣ ନକରାନଗଲେ ରାଜରାସ୍ତାକୁ ଓହ୍ଲାଇବା ନେଇ ଚେତାବନୀ ଦେଇଛନ୍ତି ମହିଳାମାନେ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ