କଟକ: ଚଳିତ ବିଶ୍ୱକପରେ ଭାରତ ତାର ପ୍ରଥମ ମ୍ୟାଚରେ ଦକ୍ଷିଣଆଫ୍ରିକାକୁ ଭେଟିବ । ଉଭୟ ଟିମ୍ରେ ତମାମ ଅଭିଜ୍ଞ ବ୍ୟାଟ୍ସମାନ ଓ ବୋଲର ରହିଛନ୍ତି ।
ଏପଟେ ଭାରତ ଦଳରେ ବିଶ୍ୱର ଏକ ନମ୍ବର ବୋଲର ଜସପ୍ରିତ ବୁମୁରାହ ଓ ମହମ୍ମଦ ସାମି ଓ ଭୁବନେଶ୍ୱର କୁମାର ରହିଛନ୍ତି । ଏହାଛଡା ସ୍ପିନ କ୍ଷେତ୍ରରେ କୁଳଦୀପ ମଧ୍ୟ ବିପକ୍ଷ ଦଳକୁ ମାତ ଦେବାରେ ସୁଯୋଗ ସୃଷ୍ଟି କରିବେ ଓ ଆଲରାଉଣ୍ଡର ହିସାବରେ ପାଣ୍ଡିଆ ମଧ୍ୟ ତାଙ୍କର ବୋଲିଂ ଯାଦୁ ବିପକ୍ଷ ଦଳକୁ ଧରାଶାୟୀ କରିବା ନିଶ୍ଚିନ୍ତ । ଏହାସହିତ ଧୋନିଙ୍କ ଉପସ୍ଥିତି ଟିମ୍ର ମନବଳକୁ ବେଶ୍ ସୁଦୃଢ କରିବ । ଏପରି ମତ ରଖିଛନ୍ତି କ୍ଲବ କ୍ରିକେଟର ।
ଏହା ମଧ୍ୟ ପଢନ୍ତୁ: ବିଶ୍ବକପ: ଭାଷ୍ୟକାର ରୂପରେ କିମ୍ବଦନ୍ତୀ କ୍ରିକେଟର ସଚିନ
ସେହିପରି ଚହଲଙ୍କୁ ଛାଡି ଦେଲେ ଅନ୍ୟ 10 ଖେଳାଳି ବ୍ୟାଟିଂ ଭାର ସମ୍ଭାଳିବେ। ଯାହା ଟିମ ପାଇଁ ଏକ ପ୍ଲସ ପଏଣ୍ଟ । ଅନ୍ୟପଟେ ଅଷ୍ଟ୍ରେଲିଆ ମଧ୍ୟ ଦେଖାଇବ ତାହାର ଯାଦୁ । କାରଣ କଙ୍ଗାରୁ ଟିମ୍ର ପ୍ଳେଇଂ ଇଲେଭେନରେ ସାମିଲ ହୋଇଛନ୍ତି ସ୍ମିଥ ଓ ୱାର୍ଣ୍ଣର ଯାହା ଅଷ୍ଟ୍ରେଲିଆକୁ ଆହୁରି ସୃଦୁଢ କରିଛି । ମ୍ୟାଚ ତ ଜିତିବ ଟିମ ଇଣ୍ଡିଆ କିନ୍ତୁ ସମସ୍ତ ଟିମ ସହ ଏକ କଡା ମୁକାବିଲା ଦେଖିବାକୁ ମିଳିବ ବୋଲି କହିଛନ୍ତି କ୍ରୀଡାବିତ ବିଭୁ ଶତପଥି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
