ମୁମ୍ବାଇ : ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲାରେ ରିଆ ଚକ୍ରବର୍ତ୍ତୀଙ୍କୁ ଗିରଫ କରାଯାଇଛି । ଏ ମଧ୍ୟରେ ଶିବାନୀ ଦାଣ୍ଡେକର ଓ ଭଉଣୀ ଅନୁଶା ଦାଣ୍ଡେକର ରିଆ ଚକ୍ରବର୍ତ୍ତୀଙ୍କ ସପକ୍ଷରେ ସୋସିଆଲ ମିଡିଆରେ ପୋଷ୍ଟ କରିଥିଲେ । କିନ୍ତୁ ସୁଶାନ୍ତଙ୍କ ଫ୍ୟାନ୍ସଙ୍କ ଦ୍ବାରା ସମାଲୋଚିତ ହେବା ପରେ ବର୍ତ୍ତମାନ ପୋଷ୍ଟକୁ ଡିଲିଟ୍ କରିଦେଇଛନ୍ତି ।
ନିକଟରେ ଶିବାନୀ #ReleaseRhea #justiceforrhea ଲେଖି ପୋଷ୍ଟ କରିଥିଲେ । ଶିବାନୀ ରିଆଙ୍କର ଜଣେ ଘନିଷ୍ଠ ବନ୍ଧୁ । ତାଙ୍କ ସହ ଅସଦାଚରଣ ପାଇଁ ସେ ପୂର୍ବରୁ ମିଡିଆକୁ ଟାର୍ଗେଟ କରିଥିଲେ ।
ସେ ଲେଖିଥିଲେ, ‘ମୁଁ 16 ବର୍ଷ ବୟସରୁ ରିଆ ଚକ୍ରବର୍ତ୍ତୀଙ୍କୁ ଜାଣିଛି। ଏତେ ଦୃଢ, ଉଜ୍ବଳ ସ୍ବଭାବ । ମୁଁ ଗତ କିଛି ମାସ ମଧ୍ୟରେ ତାଙ୍କ ବ୍ୟକ୍ତିତ୍ବର ଭିନ୍ନତା ଦେଖିଛି। ସେ କି ଦୋଷ କରିଛନ୍ତି । ପୁଅକୁ ଭଲ ପାଇବା ଭୁଲ । ଅନ୍ଧକାରରେ ଥିବା ଗୋଟେ ପୁଅକୁ ସାହାଯ୍ୟ କରିବା କଣ ଭୁଲ୍ । ମୁଁ କ୍ଷମା ମାଗୁଛି ଯେ ଅନେକ ରିଆଙ୍କୁ ସନ୍ଦେହ କରୁଛନ୍ତି । ’
ଗତ ସପ୍ତାହରେ ସୁଶାନ୍ତ ସିଂ ରାଜପୁତଙ୍କ ପାଇଁ ଡ୍ରଗ୍ସ କିଣୁଥିବା ଅଭିଯୋଗରେ ରିଆଙ୍କୁ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ଗିରଫ କରିଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
