ନୂଆଦିଲ୍ଲୀ: 2014 ଲୋକସଭା ନିର୍ବାଚନ ଓ 2015ର ବିଧାନସଭା ନିର୍ବାଚନରେ ଦୟନୀୟ ପରାଜୟ ପରେ କଂଗ୍ରେସ ପାର୍ଟି 2019ର ଲୋକସଭା ନିର୍ବାଚନରେ ଫୁଲ୍ ଦମ୍ରେ ଓହ୍ଲାଇଥିଲା । ଦିଲ୍ଲୀକୁ କଂଗ୍ରେସ ଗଡ ବନେଇବା ପାଇଁ ପୂର୍ବତନ ମୁଖ୍ୟମନ୍ତ୍ରୀ ଶୀଲା ଦିକ୍ଷୀତଙ୍କୁ ପାର୍ଟି ଦାୟିତ୍ବ ଦେଇଥିଲା । ତଥାପି 7ଟି ସିଟ୍ରେ କଂଗ୍ରେସ ପରାସ୍ତ ହୋଇଛି ।
କିନ୍ତୁ ଦେଖିବାକୁ ଗଲେ 2014 ତୁଳନାରେ କଂଗ୍ରେସ ପାର୍ଟି ଦିଲ୍ଲୀରେ ଭଲ ପ୍ରଦର୍ଶନ କରିଛି । 2014ରେ କଂଗ୍ରେସ 7ଟି ସିଟ୍ରେ 3ୟ ନମ୍ବରରେ ଥିଲା । ବର୍ତ୍ତମାନ 5ଟି ଲୋକସଭା ଆସନରେ 2ୟ ସ୍ଥାନରେ କଂଗ୍ରେସ ରହିଛି । ତେବେ କଂଗ୍ରେସ ବିଜୟ ସ୍ବାଦ କାହିଁକି ଚାଖି ପାରି ନାହିଁ ଏନେଇ ଶୀଲା ଦିକ୍ଷୀତ 5ସଦସ୍ଯ ଯୁକ୍ତ ଏକ କମିଟି ଗଠନ କରି ସମୀକ୍ଷା କରିବ ।
ଏହି 5 ସଦସ୍ୟ ମଧ୍ୟରେ ଡ. ଏକେ ଓ୍ବାଲିୟା, ଯୋଗାନନ୍ଦ ଶାସ୍ତ୍ରୀ, ପରଓ୍ବେଜ ହାଶମୀ, ପଓ୍ବନ ଖେଡା ଓ ପୂର୍ବତନ ବିଧାୟକ ଜୟ କିଶନ ସାମିଲ ଅଛନ୍ତି । ତେବେ ଏହି କମିଟି 10ଦିନ ମଧ୍ୟରେ ରିପୋର୍ଟ ପ୍ରସ୍ତୁତ କରିବ । ଏହାପରେ ଦଳକୁ ମଜବୁତ୍ କରିବା ନେଇ କାମ କରିବ ବୋଲି ପ୍ରଦେଶ କଂଗ୍ରେସ ପ୍ରବକ୍ତା ଜିତେନ୍ଦ୍ର କୋଚର କହିଛନ୍ତି ।
