ଭୁବନେଶ୍ବର: ପରିବା ବ୍ୟବସାୟୀଙ୍କ ଠାରୁ ଟଙ୍କା ଛଡାଇ ନେଇଯାଉଥିବା ବେଳେ ପୋଲିସ ହାବୁଡ଼ରେ ପଡ଼ିଗଲେ 2 ଦୁର୍ବୃତ୍ତ । ଏଭଳି ଏକ ଘଟଣା ଘଟିଛି ଭୁବନେଶ୍ବର 4 ନମ୍ବର ମାର୍କେଟରେ । ସବୁଦିନ ପରି ବେପାର ସାରି ମାର୍କେଟ ପେମେଣ୍ଟ କରି ଫେରୁଥାନ୍ତି ସୁର୍ଯ୍ୟ ନଗରର ପରିବା ବ୍ୟବସାୟୀ ପ୍ରଦିପ । ତେବେ ପ୍ରଦୀପଙ୍କୁ ଅପେକ୍ଷା କରି ରାତି ସାଢେ ୨ଟା ପର୍ଯନ୍ତ ଜଗିବସିଥିଲେ ଦୁର୍ବୃତ୍ତ।
୫୦ ରୁ ୬୦ ହଜାର ଟଙ୍କା ଥିବ ଭାବି ଭିଜିଲାନସ ଅଫିସକୁ ଲାଗିଥିବା ପାଚେରି କଡରେ ହଠାତ ସାମ୍ନାକୁ ଚାଲିଆସିଲେ ଏହି ଦୁଇ ଦୁର୍ବୃତ୍ତ । ପରେ ଗାମୁଛାରେ ମାଡି ବସି ଦୁଇ ଦୁର୍ବୃତ୍ତ ତାଙ୍କ ପକେଟରୁ ୮ ହଜାର ଟଙ୍କା ଓ ମୋବାଇଲ ଫୋନ ଛଡାଇ ଖସି ପଳାଉଥିବା ବେଳେ ଅପରାଧି ପାଇଁ କାଳ ହୋଇଗଲା ପିସିଆର ଭ୍ୟାନ । ଆଉ ଏହି ସମୟରେ ଅପରପଟୁ ଆସୁଥିଲେ କ୍ୟାପିଟାଲ ଥାନାର ଆଉ କିଛି ଷ୍ଟାଫ । ଗୋଟେପଟେ ଥାନା ଷ୍ଟାଫ ଅପରେପଟେ ପିସିଆର ଆଉ ଅନ୍ୟ ପଟେ ବ୍ୟାରିକେଡ । ଶେଷରେ ଦୁଇ ଅଭିଯୁକ୍ତ ଫସିଗଲେ ପୋଲିସ ହାତରେ ।
ଧାରା ୩୯୪ରେ ସୁଶାନ୍ତ ବାରିକ ଓ ସୁକାନ୍ତ ନାୟକକୁ ଗିରଫ କରିଛି କମିସନରେଟ ପୋଲିସ । ତେବେ ଏମାନଙ୍କ ନାରେ ପୁର୍ବରୁ ମାମଲା ଥିବା ଜଣାପଡିଛି ।
ଭୁବନେଶ୍ବରରୁ ତାପସ ପରିଡ଼ା, ଇଟିଭି ଭାରତ
