ନୂଆଦିଲ୍ଲୀ: ବିପୁଳ ଜନ ସମର୍ଥନ ପାଇ ଦ୍ବିତୀୟ ଥର କ୍ଷମତାକୁ ଫେରିଥିବା ନରେନ୍ଦ୍ର ମୋଦିଙ୍କ ନେତୃତାଧିନ ବିଜେପି ଗତ 30ରେ ପୁଣିଥରେ ସରକାର ଗଠନ କରିସାରିଛି । ତେବେ ଜନତାଙ୍କ ପ୍ରଚଣ୍ଡ ସମର୍ଥନର ସଦବିନିଯୋଗ କରି ଲୋକଙ୍କ ଆଶା ଆକାଂକ୍ଷା ପୂରଣ କରିବା ପାଇଁ ଏବେ ଯୋଜନାବଦ୍ଧ ଭାବେ କାମ ଆରମ୍ଭ କରିଛନ୍ତି । ସେଥିପାଇଁ ମୋଦି ନିଜ ସହଯୋଗୀଙ୍କୁ 100ଦିନିଆର ଟାକ୍ସ ଦେଇଛନ୍ତି ।
ଗୋଟିଏ ପଟେ ଦେଶବାସୀଙ୍କ ଆଶା ଆକାଂକ୍ଷା ଅନ୍ୟପଟେ ଅନ୍ତର୍ଜାତୀୟ ସ୍ତରରେ ଦେଶକୁ ଆହୁରୀ ଦୃଢ କରିବା ଏହିସବୁକୁ ନେଇ ମୋଦି କାମ ଆରମ୍ଭ କରିଛନ୍ତି । ସରକାର ଗଠନ ଦିନଠାରୁ ଆଜି ପର୍ଯ୍ୟନ୍ତ ଗୋଟିଏ ପରେ ଗୋଟିଏ ନୂଆ ନିଷ୍ପତ୍ତି ନେଉଛନ୍ତି ମୋଦି । ହେଲେ ସରକାରଙ୍କ ଯୋଜନା କାର୍ଯ୍ୟକ୍ରମକୁ ସଫଳ ରୂପାୟନ ଦେଇଥାନ୍ତି ଅମଲାତନ୍ତ୍ର ତେଣୁ ସରକାରରେ ଏମାନଙ୍କ ଭୂମିକା ଗୁରୁତ୍ବପୂର୍ଣ୍ଣ ହୋଇଥାଏ ।
ସେଥିପାଇଁ ଗତକାଲି ସଂଧ୍ୟାରେ ମୋଦି ସମସ୍ତ ବିଭାଗର ବିଭାଗୀୟ ସଚିବ ମାନଙ୍କ ସହ ବୈଠକ କରିଛନ୍ତି । ଏହାସହ ସ୍ପଷ୍ଟ ନିର୍ଦ୍ଦେଶ ଦେଇଛନ୍ତି ସମସ୍ତ ବିଭାଗ ଆଗାମୀ ପାଞ୍ଚବର୍ଷ ପାଇଁ ପଞ୍ଚବାର୍ଷିକୀ ଯୋଜନା ପ୍ରଣୟଣ କରନ୍ତୁ । ଏମିତି ଲକ୍ଷ୍ୟ ଆଉ ଯୋଜନା ପ୍ରଣୟଣ କରନ୍ତୁ ଯାହା 100ଦିନ ଭିତରେ ମଞ୍ଜୁର ହୋଇପାରିବ ।
